Inuueqatigiissarsiortut
Inuunera qanormitaava issagaluarpa nunarsuarmi allami inunngorsimasuuguma? - Belgiamiut TV-ata Kalaallit Nunaanni inuueqatinik ujaasivoq. Ullut ukiullu inunngorfiit takukkit.
Belgiamiut TV-ata piareersarpaa nunarsuarmi sumi tamaani inuit inuuniarnermi atugarisaasa piviusulersaarutigalugit aallakaatitassiarinissaa.
– Inuit nunarsuarmi sumi tamaani inuueqatigiit aallaavigaavut,Annelore De Donder, Belgisk TV-meersoq, oqaluttuarpoq.
TV-qarfiup nunarsuarmi inuit sapinngisamik amerlanerpaat inuueqatigiit katersorniarpai, naalagaaffinnili assigiinngitsuni inunngorsimasut, assigiinngitsunik racellit, assigiinngitsunik upperisallit, assigiinngitsunik inuunerminni tunuliaqutallit, assigiinngitsunik inuussutissarsiutillit il.il.
– Nunarpassuarni inunnik nassaarsimavugut soorlu Nicaraguami, Chilemi, Brasiliami, Tuluit Nunaanni, Irlandimi, Italiami, Spaniami, Kroatiami, Grækenlandimi, Tyrkiami, Sverigemi, Norgemi, Finlandimi, Ruslandimi, Georgiami, Ukrainemi, Marokkomi, Malimi, Cameroonimi, Australiami, New Zealandimi, Sri Lankami, Vietnamimi, Singaporemi, Kinami USA-milu, piviusulersaarutigalugu aallakaatitassiami tassani peqataarusuttunik. Soorunalumi aamma Kalaallit Nunaanni inuueqatigiinnik nassaarusuppugut, Annelore De Donder, aallakaatitassiami taagorneqartumi marlulissat (twins), aaqqissuisuusoq oqaluttuarpoq.
Piviusulersaarutitut aallakaatitassiami tassani siunertaavoq inuit assersuullugit filmiliarinissaat, ataasiinnarmik ataatsimooruteqartut, tassaluy inuueqatigiinnertik.
– Apeqqut una akissutissarsiorniarparput »nunarsuarmi allami inunngorsimasuuguma inuunera qanormitaava issagaluarpa?«, Hannelore De Donder oqaluttuarpoq.
Belgiamiut pisortatigoortumik TV-ata aallaavigai belgiamiut 25-it, ullormi aalajangersimasumi inunngorsimasut, Kalaallit Nunaannilu inuit ulloq taanna inunngorsimasut ujarneqarput:
Kalaallit Nunaanni soqutiginnittut aallakaatitassiami piviusulersaarummi peqataarusuttut attaveqarfigisinnaavaat:
Birthday Twins Project,
Annelore De Donder,
Twins,
Tlf: 00 32 2 303 35 88
email: twins@docfish.be
www.woestijnvis.be