Skip to main content

Sumiiffinni arlalinni innaallagiaq akikillissaaq

Innaallagissap akiata annerpaaffissaa apparneqassaaq, erngullu akia qaffanneqassalluni.

Akit nutaat ukiut nikinnerannit atuutilissapput, taamatut paasissutissiivoq Nukissiorfiit.

Allannguutissaq pingaarnerusoq tassaavoq atuisartunut nalinginnarnut innaallagissap annerpaamik akiata apparneqarnissaa, tassa kilowattimemut 3,68 koruuniniit kWh-mut 2,82 koruuninut apparneqassammat. Nanortalimmi, Kangaatsiami, Qasigiannguani, Uummannami, Upernavimmi, Qaanaami Ittoqqortoormiinilu kiisalu nunaqarfiit amerlanerpaartaanni innuttaasut akit qaffasinnerpaaffissaat nutaaq atorlugu akiliisalissapput.

Assersuutigalugu ilaqutariit agguaqatigiissillugu ukiumut 3.500 kilowattimemik atuisartut, ukiumut 3.010 koruuninik annikinnerusumik akiliisalissapput. Tassa 23 procentit sinnerlugit innaallagissap akia appariassalluni.

Imeq eqqarsaatigalugu atuisartumut nalinginnaasumut erngup 1.000 literimut akiata annerpaaffissaa 31,97 koruuniniit 34,42 koruuninut qaffassaaq. Akip annerpaaffia illoqarfinnut nunaqarfinnullu amerlanerpaanut atuuppoq. Sumiiffinnili ataasiakkaani erngup akiata appartinneqarnera misigineqarumaartoq Nukissiorfiit paasissutissiivoq.

Assersuutigalugu ilaqutariit akit annerpaaffiannik akiliisarfimmi najugallit, agguaqaatigiissillugulu ukiumut imerik 120.000 literimik atuisartut, ukiumut 294 koruuninik annertunerusumik akiliisalissapput. Tassa akia 8 procentimik qaffariarluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER