Skip to main content

Dolph iluarineqanngitsoq

DR-ip paasiniarniarpaa spil-ip Dolph-p DR-ip nittartagaaniit peertariaqarneranut pissutsinik kalaallinut immikkut tunngasunik tunngavissaqarnersoq, spil-ip Sermitsiaq.gl-ikkut sakkortuumik annertuumillu isornartorsiorneqareernerata kingorna, BT allappoq.

imarmiutarsuaq ingasattajaarniaq persuttaajumatoorlu Dolph Kalaallit Nunaanni aalassatsitsingaatsiarpoq, spil-imi anaattaminik puiseeqqanik kalaallinillu sequtsertarmagit. Quianartuuniaraluarpoq, kisianni Kalaallit Nunaanni amerlasoorpassuit taamak isumaqanngillat.

»Titartakkat tusaamasat qanoq pineqarnersut puigussanngilarput. Quiassuaatiginninnerit. Ila, ingasak, taamak aviisimi Sermitsiaq-mi qulequttap »Kalaaleq Thulemi avaaruk«-ip ataani oqallittut amerligaluttuinnartut ilanngussaat ilaanni taamak nipeqarpoq«

dr.dk-mi computer-ikkut spil-eq Dolph anaartaaserlugu Thulemut isertortumik suliartortinneqartoq Danmarkip Chuch Norris-imut assingutitaata B.S. Christiansen-ip isummat assuariitsilersimavai.

Suliassaavoq brintimik qaartartorsualiorniarluni Thulemi uranimik pissarsiniarnissaq, taamaalilluni Dolph kissassimaarsinnaassammat.

Dolph ujaasinermini toqutsisariaqartarpoq. Dolph-ip avaartaatini atuleraangagu puiseeraannaanngitsorpassuit aammali kalaallit hiipie-ngasut - Rasmus Lyberth-itut isikkullit - avaartarlugit sequmivinneqartarput.

»Tag den 100 pct. asshole. Mere spæk til Dolph,« imarmiutarsuaq oqararaaq.

Kisianni quiassuaatiginninerup imarisaa naalagaaffeqatigiinnerup avannarlersaani innuttaasut ilarpassuisa iluarinngivippaat, taavani spil-eq nikanarsaatitut ammillu qalipaataanik assigiinngisitsinertut isigineqarmat.

»Tupinnaqaaq qallunaat inuiannut allannut nikassaasaqattaaginnarnerat. Nuannarineqarunnaarnissartik anguniarlugu ilungersoqaat. Paasiinnartariaqarpoq, nunarsuarmi inuiaammata ammip qalipaataanik assigiinngisitsinerpaat,« atuartartut allagaannut ilanngussisartoq M. Gundel allappoq.

DR-imi spil-inut aaqqissuisuusoq Bo Abrahamsen Dolphip pissusilersuutai pillugit kalaalliniit maalaarutinik tigusaqarsimalerpoq.

»Kalaallit Nunaanni inunnik Dolph-i qallunaat isumaannik ersersitsisutut isumaqartoqarmat tupaallaatigaara. Tamannami pineqanngilaq. Quiassuaatiginninneruvoq. Dolph ilaanni oqarpoq, puisit nakkutilliinissarsuarmut takorluukkanut ulorianartorsiortitsisut annersarigaat, immap iluani sulerisarnersut nalugatsigu,« spil-inut aaqqissuisoq illarpoq.

Taassuma maanna paasiniarniarpaa spil-ip DR-ip nittartagaaniit peerneqarnissaanut kalaallit nunaanni pissutsinik immikkut tunngavissaqarnersoq.

»Maalaarutit pimoorullugit tiguakka. Kisianni sukumiinerusumik paasiniaavigeqqaartariaqarpara,« oqarpoq

Taamaakkaluartoq aamma kalaallit atuartartut ilarpassui Dolph-imik tapersersuinngikkuni paasinnittunit ilanngussaqarput:»Eqqaamasariaqarpoq, quiatsattarneq imminut qaninnerulernissamut sakkut pitsaanersaasa ilagimmassuk. DR-ip suliarisimasaa quiatsannartuliaavoq. Akornatsinni immikkoortitsiniaanngillat imaluunniit kalaallit qallunaallu akornanni aporaatsitsiniarnani,« taamak tapersersuinermik nipalimmik atuartut ilanngussaasa ilaanni nipeqarpoq . mom@dr.dk

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER