Skip to main content

Arnaq nikanarsagaasoq: Nipangerlunga pisoq puiguinnassagiga

Arnaq inatsisartuni siulittaasumit Jonathan Motzfeldtimit kinguaassiutitigut atornerlunneqarsimasoq maanna sassarluni qanoq pineqarsimanini oqaluttuaraa.

– Uanga suliap tusagassiorfinnut anngunnissaa kissaatiginngikkaluarpara. Kissaatigiinnarpara suliap iluameersumik misissorneqarnissaa.

Arnaq nikanarsagaasoq tusagassiorfinnut nalunaarummi inatsisartut siulittaasuallu namminersornerullutillu oqartussani suliffeqarfiit ilaanni pisortat ilaatalu akornanni qanoq pisoqarsimanera oqaluttuaraa.

– 2007-imi aprilimi isumasioqatigiinnerup naammassinerata kingorna katuamilu naggataarnersiorluni nereqatigeereernerup kingorna inatsisartut angerlarsimaffiani pineqarnera pillugu 2007-imi julimi pisortat ilisimatippakka. Taamanikkut inatsisartut siulittaasuata sulisuik immikkut ilisimasalimmik ataatsimeeqateqarnissaminut pilersarusiornissamut ikiortiseraanga. Uanga immikkullu ilisimasallit marluk qaaqqusaavugut.

– Inatsisartut siulittaasuata angerlarsimaffiani ilisimasaqanngitsunga perusuersartarfimmut malissimavaanga. Tusaagakku tupallunga saappara. Sakkortuumik tiguaanga attualaarlungalu, uneqqugaluarpara kisianni ingerlatiinnarpaa, taava ingerlaqquara.

– Peersinnaasimanngilanga. Tamatuma kingorna qanorpiaq pisoqarnera erseqqissumik eqqaamasaqarfiginngilara, nalunaaquttallu akunneri arlallit qaanngiuttullu silaga kaavittoq taxanut ikineqarlung. Taxaniillunga suli iluamik silattunngilanga atorfilik inatsisartut siulittaasuata illuaneeqatigisarput ilagaara. Taxani sakkoortuumik attualaarniarsarivaanga. Oqaatsit atoqatigiinnermut tunngasut sakkortuut atorpai. Erseqqillunnartumik itigartippara. Angerlarsimaffinnut apuukkama suli assut paatsiveerusimaarpunga, annilaarutigisannillu angutit qarliinik angivallaarujussuartunik qallilerneqarsimallunga, ungalu nammineq qarliikka ilupaqutikkalu amigaatigalugit. Taamaattumik aamma matuersaatikka nassanngilakka, suleqatinnukartariaqarluingalu. Suleqatima nunannaanngilluni isertippaanga. Aqaguani oqaluttuuppaanga, assut puqaqqasimasutut pissusilersorsimasunga.

Arnap qaammatini tulliuttuni arlaleriarluni qarlini, ilupaqutini matuersaatinilu apeqqutigisarsimagaluarpai, kisianni nikittaattumik kinguarsarneqartarlunilu, itigartinneqartarlunilu soqutigineqartarsimanngilaq.

– Angutit marluullutik nipangersimaqquaannga puigueqqullungalu.

– Pisimasoq qaammatut arlalialuit qaangiummata aatsaat politiinut nalunaarutigineranut pissutaavoq, assut annilaarsimallungalu tuparujussuaqqagami. Pisimasoq nalunaarutigigukku suliffimma annaanissaa Kalaallit Nunaannilu siunissara ernummatigisimavara.

– Nalunaarutigiinnarniarlugu aalajangerninnut pissutigaara pisimasup naammassineqarnissaa pisariaqartoq paasigakku. Tamanna uannut qanorluunniit ilungersunartigigaluartumik nuanniitsigigaluartumilluunniit kinguneqassagaluarpat. Taamaattumik sulia politiinut 23007-imi aggutsimi nalunaarutigaara.

– Kingusinnerusukkut allagarsivunga politiit pisimasoq pillugu misissuinertik unitsikkaat. Aalajangernermut tunngavilersuutigineqarpoq, politiit isumaqarmata pinerluttoqarsimasinnaaneranik naammaginartunik toqqammavissaqannginnerat, inatsisartut siulittaasuata uanga nammineq nassuiaanera naapertorlugu imatut isikkoqanngimmat, pinerlunnermut inatsit naapertorlugu nakuusernertut taaneqarsinnaanani.

– Taamatut aalajangerneq naammaginngilara, isumaqarlungalu pisimasoq naammaginartumik misissuiffigineqanngitsoq. Taamaattumik uanga naammineq innuttaasutut pisinnaatitaaffiga atorlugupolitiit aalajangiinerat pillugu suliaq Naalagaaffiup eqqartuussissuserisuanut ingerlateqqippara.

– Naalagaaffiup eqqartuussissuserisuata allakkatigut 2007-imi decembarip 5-ianeersuni nalunaarfigaanga ullut 60-it ingerlaneranni aalajangiisoqarnissaa naatsorsuutigissagiga.

– Aallaqqaataanili suliap tamanut saqqummiunneqarsinnaaneranik ersissutigisimasara maanna peeruppoq. Nikanarsarneqarnera, qaavatigullu isertuutissagiga, imaappoq nikanarsaasut isertuussissullugit, annilaanganermit. Taamaaliorusunngilanga. Qullersarisannik unnerluutiginissutikka maanna tusagassiorfitsigut nalaannerat assut pakasarneqaatigaara. Periaatsip tamatuma aqqutiginissaata pisariaqarnera assut paasiuminaatsippara. Aamma tamatuma siunertaa takujuminaatsilluinnarpara, arnaq oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER