Skip to main content

Mumeriasaarneq: KNR-ip siulersuisui ingerlaannarput

Naalakkersuisut sisamanngormat aalajangerpaa, KNR-ip siulersuisui tunuartut nutaanik toqqaasoqarnissaata ingerlaannassasut.

Naalakkersuisut mumeriasaarput. Juulli sioqqullugu isumaavoq siulersuisut maannamut atuuttut ukiup nutaap aallartinnerani atuuffik atorunnaarpat ingerlaqqissanngitsut.

Taamaakkaluartoq naalakkersuisut sisamanngormat aalajangerput siulersuisut tunuartut sulileqqiinnassasut. Tassa siulersuisussanik nutaanik toqqaasoqareernissaata tungaanut. Taamak KIIIP-imi pisortaq Lise Lennert Olsen Sermitsiaq.gl-imut ilisimatitsivoq.

Nunatta tusagassiornikkut suliffeqarfiisa annersaat ukiortaamiit qullersaasunik siulersuisoqarsimanngilaq, tassa maannamut siulersuisuusut atuuffiat 2007-imi decembarip 31-iata tungaanut ingerlagami.

Siulersuisut siulittaasuat tunuartoq Juaaka Lyberth ilisimatitsivoq, siulersuisussat nutaat toqqarneqarnissaasa tungaanut siulittaasutut ingerlaannarnissani akueralugu.

– Akisussaaffik tigussallugu piareersimavunga, Juaaka Lyberth Sermitsiaq.gl-imut oqarpoq.

Juaakap Lyberthip siulersuisullu tunuartussat novemberimi naalakkersuisut aperisimavaat, ukiumoortumik naatsorsuutit naammassineqarnissaasa tungaanut siulersuisuni ingerlaannarsinnaannginnerlutik. Tamanna pisortaqarfiup juulli sioqqulugu periarfissaqarsorisimanngilaa.

– Qujanaqaaq KNR-imut tunngatillugu Pisortaqarfimmi imaluunniit Naalakersuisuni arlaatigut qisuariartoqarsimammat, Juaaka Lyberth oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER