Qeqertarsuup tunuani timmisartuussinerit unittut
Air Greenlandip ulluni 11.-14. december, Qeqertarsuup tunuani nunaqarfinnut timmisartuussineq unitsippaa, Disko Linelu attaveqarfigisimallugu immakkut angallassisinnaaneq anguniarlugu.
Ataasinngorneq 10. december pilersaarutit malillugit ingerlasoqassaaq, tamatumali kingorna marlunngornermiit tallimanngornermut timmisartuussinissaagaluit taamaatiinnartariaqassapput, taamatullu qeqertarsuup tunuani ilaasussaagaluit 36-it eqqorneqassapput.
Taamaatitsiinermut pissutaavoq Air Greenlandip qulimiguuisa ilaata Bell 212-ip pilersaarutaasumik teknikikkut misissorneqarnerata, kingoraartissat pissarsiariniarneranni kinguaattoortoqarnerani sivisunerunera. Qulimiguulik sapaatip akunnerata tulliata naalernerani aatsaat piareersinnaassaaq.
Air Greenlandip ilaasussat eqqorneqartut tamaasa attavigissavai, ilaasussalli aamma angalanissamik pisiffimminnut annertunerusumik paasiniaaqquneqarput.
Air Greenlandip Diskoline, sapaatip akunnerani 50-imi qeqertarsuup tunuanii angalasussaq attaveqarfigigaa, taamaattumik angalanissaq kinguartissinnaanngikkaanni imaatigut angalanissamut periarfissaqarpoq.