Medie-nik suliaqartut suleqatigiiliortut

Greenland Media Group (GMG). suliffeqarfiit arlallit suleqatigiiffiat suliassanik annertuunik medie-qarnerupiluani piginnaasatigut sullitanit siammasissumik kissaataanni kivitsiniarnissamik suliaqartussaq.

- GMG-p naatsumik oqaatigalugu suliassat annertuut naammassisanik qaffasissumik pitsaassusilinnik tunniussinissamut qularnaarinnittut. GMG-p suliassat kalaallit suliffeqarfiutaannit pinnatik nunat allamiut suliffeqarfiutaannit suliarineqartartut annertuut suliarisalerniarpai, Alex Andersen, suleqatigiit aallarnisaasuat inussk.gl-imut oqarpoq.

Suliffeqarfiit suleqatigiinni ilaasut ulluinnarni namminneq atugassarisartik atorlugit ingerlasuupput, sullitatillu aalajangersimasut sullitaralugit, piginnaaneqarfiit ilaatigut nipilerinermut, siammarterinermut, multimedie-mut, ilusissanik ineriartortitsinermut, video-liornermut, assilerinermut, 3D grafikkiliornermut, assitalersuinermut, titartakkanik uumassusilersuinermut, naqitanut, IT-nut aaqqissutissannut, nittartakkanut, tusagassiornermut isumassarsiortitsinermullu tunngasuni. Suleqatigiinnut peqataanermi sullitat anginerusut aaqqiissutissanik tamakkiisunik, ilusissanut tunngavissa nik, nittarsaassinernik aammalu isumasiortitsinissanik kissaateqartunik sullissilersinnaanissamut periarfissiissaq.

Suliffeqarfiit suleqatigiilersut tassappupt: Ice Music ApS, Bang.gl, Deluxus Studio aamma DOT GL.