KNR 2008-mi sipaaruteqassaaq
KNR-ip siulersuisuisa 2008-mut aningaasartuutissatut missingersuusiat akuersissutigisimavaat, Naalakkersuisullu tusagassiorfeqarneq pillugu isumalioqatigiissitamik pilersitsinissaannik kajumissaarlugit.
KNR-ip siulersuisui marlunngormat decembarip 4-ni 2007-imi kingullermik ataatsimiipput, tassa taakku qinigaaffiat 2007-imi decembarip 31-iani naassammat.
2008-mut aningaasartuutissatut missingersuutit suliarineqarnerannut atatilugu siulersuisut pingaartissimavaat, atukkat erniallu utertinneqarnissaat 2008-imiit akilersorneqalereernissaat inissaqartinneqassasoq. Suleriaatsimik allanngortiterinikkut, sipaarniarnikkut aallakaatitassiornerullu aaqqissuunneratigut 2008-mut aningaasartuutissatut missingersuusiami aningaasat atorniakkat 2008-imiit utertinneqarsinnaalereernissaat aqqutissiuunneqarsimavoq.
Peqatigitillugu siulersuisut Naalakkersuisunut naalakkersuisullu kultureqarnermut ataatsimiitsitaliaanut saaffiginnissuteqarput, tusagassiornermik ingerlatsineq pillugu isumalioqatigiissitamik pilersitseqqullugit kajumissaarummik, siulersuisullu isumaat naapertorlugu isumalioqatigiissitaliap misissugassaasa ilagissavaat KNR-imi piginnittuussutsimut tunnganut suliffeqarfiullu ilusilersugaanera, tassunga ilaatillugu innuttaasunut kikkunnulluunniit sullissisusaanermut nutaasiaasumik ingerlasumut naleqqukkunnaarsimasumik namminersornerusunut naleqqutinngitsumik qilersorsimanera.