5-inik ukiulik nakorsamit ikiorneqarsinnaanngitsoq
Nukappiaraq tallimanik ukiulik Uummannap eqqaani Ikerasammiu talliminik napisoorsimasoq aatsaa tallimanngorpat nakorsamukarsinnaavoq. Nakorsaq isumaqarpoq nukinginnartuunngitsoq, knr.gl allappoq.
Annonce
Nukappiaraq 5-inik ukiulik Ikerasammi nakorsaqanginnera pissutigalugu tarrarsortissimanngilaq, tamannalu peqqutigalugu Uummannamut timmisartuunneqartussaagaluarluni. Kisianni qulimiguulimmi innissaqannginnami talimanngorpat aatsaat nakorsamit takuneqarsinnaalissaaq.
Nukappiaqqap ataataa oqaluttuarpoq, nukappiaqqao talia tilluusarlunilu pullattoq, namminerlu angajoqqaatut nukillalaarnermik nukillalaaqqanermik misigisimalluni.
– Tamanna akisussaaffimmik qimarratiginninnruvoq, angajoqqaajullunilu akuerineqarsinnaanngilluinnartoq, ataataasoq oqarpoq.
Uummannami nakorsaanerugallartoq Øistein Ylvisaker oqarpoq, nukappiaqqap qanoq innera aarlerinartuunngitsoq taamaammallu tallimanngorpat aatsaat Uummannamukaallugu misissorneqarsinnaassasoq.