Skip to main content

A1-imi sulinermi atukkat navianartut

Dronning Ingridip Napparsimmavissuata eqqarsartaatsikkut ajuutilinnut immikkoortortaani A1-imi suliffik suliffiuvoq navianartoq. Sulinermut atatillugu ajutoornerit Sulinermut Nakkutilliisoqarfimmut nalunaarutigineqartut siornamut sanilliullugu pingasoriaatinngorsimapput, Peqqissaasut Kattuffiat ilisimatitsivoq.

Uninngasut sioorasaarisut nakuusernerillu. Tamakku A1-imi sulisut sulinerminni atugaasa ilagaat. 2007-imi qaammatit siulliit qulit ingerlaneranni suliffimmi ajutoornerit 18-init Sulinermut Nakkutilliisoqarfimmut nalunaarutigineqarsimapput. Siorna nalunaarutigineqartut arfiniliusimapput, imaappoq A1-imi pisut nalunaarutigineqartartut ukiup siulianiit pingasoriaatinngorsimapput.

Kisitsisit Peqqissaasut Kattuffiata nalunaarutigineqartut pillugit pappiaraatinik takunnissinnaatitaanermik piniareerlutik pissarsiarisivai.

– Nalunaarutigineqarsimasut amerlanersaat tassaapput uninngasuniit sioorasaarinerit sakkortusaarnerillu. Naatsorsuutit aamma takutippaat, upalungaarsimanissamut tunngatillugu ajornartorsiutit annertusisimasut, 2007-imi nalunaarutit affai sinnerlugit ukiarneraniit nalunaarutigineqarsimasuummata, taakkununngalu ilaliullugit naatsorsuinerit naammasereernerisa kingorna sulisunut nakuusernerit tulleriiaat nutaat pisarsimapput, Birtha Bianco sermitsiaq.gl-imi blogimini allappoq.

2007-imi pisut maannamut ajornersaat decembarimi pivoq, peqqissaasut ilaat ilumigut aanaalersimasoq nakkutigineqartussanngorlugu unitsinneqartariaqarsimammat. Pisumi tassani uninngasoq persuttaalersimavoq, inuit allat aamma annikitsumik ajoqusersimallutik.

– A1-imi PK-milu immikkoortortami peqqissaasut DIH-mi immikkoortortamilu aqutsisunut oktobarimili erseqqissarsimavaat, upalungaarsimanerup annertusineqarnissaa massakkorlinnaq pisariaqartoq, Birtha Bianco ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER