Nunaminerals aatsitassanik piiaaffissuarmik isumaqatigiissuteqartoq
Nunaminerals nunarsuarmi aatsitassanik piiaanermik piginneqatigiiffiit annersaasa ilaannik suleqatigiinnissamik isumaqatigiissuteqarpoq, isumaqatigiissummi Kalaallit Nunaanni aatsitassanik piiaaffiliorsinnaanermut periarfissaasa misissuiffiginissaat siunertarineqarpoq.
Kalaallit Nunaata aatsitassanik misissueqqaarnermik piginneqatigiiffia Nunaminerals aamma Rio Tinto Mining and Exploration Ltd. (RT), Rio Tinto plc.-mit 100%-imik piginneqatigiit ataaniittumit pigineqartoq, nunarsuarmilu aatsitassanik piiaanermik piginneqatigiiffissuit annersaasa ilaat, suleqatigiinnissamut isumaqatigiissuteqarput, tamatumani Kalaallit Nunaata aatsitassanik piiaaffittut qanoq periarfissaqartiginerata misissuiffigineqarnissaa siunertarineqarluni, jernindustri.dk allappoq.
Nunaminerals Kalaallit Nunaannik ilisimannittutut ikiuussinnaavoq, Rio Tinto Mining and Exploration Ltd. Rio Tinto plc.-ip ataani ataatsitassanik piiaasartoq, misilittagaqarlunilu piginnaaffeqarpoq.
- Nunaminerals-ip nukittoqutigaa Kalaallit Nunaanni nunat misissueqqaarfissaqqissut sumiissusersisinnaagamigit, ukiullu arlallit ingerlaneranni uppernarsartarsimavarput nunamik ujarassiortitsinikkut ajunngilluinnartunik angusaqartarsimanerput. Suleqatigiinnermi suliniutit ujarassiortitsinermit aallaavillit salliutinneqassapput, taakkulu RT-p misissueqqaarnerni najoqqutassatut nangittaartumik atorsinnaassavai. Qularutiginngilara suleqatigiinnermi sammineqartutigut Kalaallit Nunaata pisuussutitigut toqqammavissai ukiuni tulliuttuni annertunerulersinnaassasut, Anthon Christoffersen, piginneqatigiiffiup siulersuisuini siulittaasoq oqarpoq.