Nuummi nunani allamiut 200-t tikeraartut

kalaallit Nunaata illoqarfiisa pingaarnersaat qaammatingajak qaangiuppat Alaskamiit, Canadamiit, Kinamiit, Japanimiit, Norgemiit, Estlandimiit, Litauenimiit, Ruslandimiit, Koreamiit Danmarkimiillu tikeraartorpaaloqassaaq, Nunani nunarsuup issittortaaneersut borgmesterii Katuami ataatsimeersualerpata, nuuk.gl allappoq.

Nup Kommuneani ineriartortitsinermut immikoortortaqarfik isumasioqatigiinnissamut aaqqissuisuusoq naasagassat kingulliit piareersarlugit ulapippoq. Immikkoortortaqarfiup aalajangersimasumik sulisuisa marluusut saniatigut illoqarfimmiit naminneq kajumissutisimiinik ikiuukkusullutik nalunaarsimastu 30-it ikiuutissapput, tikeraat 200-t jannuaarip 17-iani tikeriarlutik jannuaarip 21-iani aaallaqqittussat kiffartuutissalugit.

Sammisassat pingaarutillit oqaluuserineqartussaapput, Issittumi silaannaap allanngoriartornera oqaluuserisassat pingaarnersaralugu. Tassunga atatillugu Birger Poppel-ip 'Issittumi meeqqat inuusuttullu inuuniarnikut atugaat' pilugit misissuisimanini saqqummiutissavaa. Aamma Lene Kielsen-ip 'kalaallit piniartuisa piniakkatigut atugaat' - kalaallit nunaata avannaani piniartut atugarisaat - aallaavigalugit misissuisimanini saqqummiutissavaa

Ataatsimeersuarnerup nalaani suliffeqarfiit kalaallit nunaanneersut nunanillu allaneersut EXPO-mik taallugu Inussivimmi saqqummersitsissapput, tassai aamma borgmesterit kalaallit nunaaneersut naapinneqarsinnaassapput, kommunerujussuanngortussat pillugit oqaloqatigineqarsinnaassallutik.

Isumaavoq borgmesterit ataatsimeersuarnerat Nuummi Isumaqatigiissutip - ataatsimiinnerup nalaani isumaqatigiissutigineqarsimasut - atsiorneqarneranik inerneqarumaartoq.

Issittumi illoqarfiit katillugit 20-it ataatsimeersuarnermut aallartitaqassapput. Nuna peqataatitaqanngitsutuaq tassaavoq Mongoliet.

Powered by Labrador CMS