Qisuk 3 mm-nik saappallaarpoq
INI A/S-ip ikaartarfiusaq qisummik ilaarsimavaa, taanna arnap inuusuttup tummarpaa orlullunilu. Taanna massakkut qaammatini arfineq marlunni sulisinnaasimanngilaq, taarsiivigineqarumanerigalualu akuerineqanngilaq.
– Qanoq ilitsiarlungalu qissasertarpunga. Akiligassannik kinguaattooqqavunga, juulli qanoq qaangissanerlugu naluara, piffissaq napparsimallung pisartagaqarfissara qaangiutingajalermat, Ane Grethe Petersen Nuummeersoq oqarpoq.
Ukiormanna majip arfineq pingajuanni suliartortilluni Qapiarfiusaami ikaartarfiusami qisuk tummarpaa. Qisuk Nuummi INI A/S-ip ikaartarfiusat putorpassuinut ilaaliussaasa ilagaat. Ane Grethep qisuk quasattoq tummaramiuk orluvoq ilisimajunnaarlunilu. Ilisimmarami mabulancemut sianerpoq Sanaliaanneqarlunilu. Tassanilu paasineqarpoq Ane Grethep talia napisimasoq.
– Napparsimasutut nalunaarutigineqarpunga sungiusareerumalu suleqqilertussaallunga. INI A/S-imiit ilisimatinneqarpunga taarsiiffigineqarsinnaasunga, sillimmasiisarfianniillu atassuteqarfigineqarumaartunga, Ane Grethe Petersen oqaluttuarpoq.
Ullumikkut - qaammatit arfineq marluk qaangiutereersut, suli napparsimasutut nalunaarutigineqaqqavoq, taarsiivigineqartussaajunnaarsimalluni, akiligassaminillu kinguaattoorsimalluni.
Sermitsiami atuarnerugit.