Skip to main content

Piniartunut piffik ajornakusoortoq

Februarimi isumasioqatigiissutigineqassaaq piniartutut inuussutissarsiuteqarneq qanoq isilluni qulakkeerneqarsinnaanersoq

Isorliunerusuni Avanersuup, Ittoqortoormiit Ammassallillu kommuuniini piniartunut ajornartorsiortunut naalakkersuisut Inatsisartut aningaasanut ataatsimiititaliaat aningaasatigut tapiissutissanik qinnuteqarfigisimavaat. Tamanna pivoq kommuninit taakkunannga arfinilinnik saaffiginnittoqareersorlu, kommunini taakkunani piniartut piniarnermi atugarisaat pitsaasimanngimmata silap pissusaata allannngoriartornera piniagassalunnerlu pissutigalugit.

Aqagu tallimanngornermi nalunaaqutaq 13 aningaasanut ataatsimiititaliaq aalajangissaaq tapiissuteqartoqassanersoq.

Aalisarnermut, piniarnermut nunalerinermullu pisortaqarfiup pilersaarutigaa februarimi isumasioqatigiissitsinissaq, tassani ilaatigut oqaluuserineqassalluni piniartutut inuussutissarsiornerup siunissaa qanoq isilluni qulakkeerneqarsinnaanersoq.

Inuussutissarsiut nungusaataanngitsoq

Naalakkersuisut isumaqarput siunissami aaqqiissutissamik ataavartumik nassaartoqartariaqartoq, taamaasilluni tapiissutit aaqqissuussineq iluarsisaq aqqutigalugu tunniunneqartassallutik.

Aalisarnermut, piniarnermut nunalerinermullu pisortaqarfimmi pisortap Amalie Jessenip oqaatigaa februarimi Kangerlussuarmi piniartut pillugit isumasioqatigiittoqassasoq.

– Tamatumani ilaatigut oqaluuserineqassapput silap pissusaata allanngoriartornera, allannguutinut naleqqussarneq kiisalu piniartutut inuussutissarsiornerup siunissaa qanoq isilluni qulakkeerneqarsinnaanersoq, Amalie Jessen oqarpoq.

Isumasioqatigiinnissamut qaaqquneqarsimapput inuussutissarsiutigalugu piniartut, saniatigooralugu piniartut, KNAPK, Kanukoka, biologit kiisalu Nunavumit piniartut.

Piniartutut inuussutissarsiuteqarneq ilumut qulakkeerneqarsinnaanersoq aperineqarami Amalie Jessen akivoq:

– Soorunami. Piniartut pissutsinut naleqqussallaqqissuupput. Pissutsit pisarnermissut ikkunnaaraangata nutaanik aqqutissarsiortarput piniagassanillu nutaanik nassaarlutik. Naleqqussarnermulli pisortat tapiissuteqarnissaat pisariaqarsinnaavoq, taamaattumik isumasioqatigiinnissaq pilersaarutigaarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER