Skip to main content

Kangilinnguit qulimiguuliutai teknikerinik amigaateqartut

Qulimiguullit arfineq-pingasuusunit taamaallaat pingasut Atlantikup Avannaani annaassiniartussatut atorsinnaapput, Berlingske Tidende allappoq.

Sakkkutuut imarsiortut qulimiguuliutai annaassinniarnermi atortartut pisoqaanerit nutaatulli piffissap annersaani nunamiittarput.

Sakkutuut timmisartortartut qulimiguuliutaat nutaat EH 101 teknikkikkut ajoquteqarlutillu mekanikerissaaleqipput, taakkunatulli aamma sakkutuut timmisartortartut qulimiguuliutaat imarsiutit Westlands Lynx-inik taaguutillit teknikkikkut annertuumik ajornartorsiorput.

Illersornissamut sakkutuut qulimiguulinnik Lynx-inik arfineq-pingasuni peqarput, taakkunannga nalinginnaasumik marluk Savalimmiut Kalaallit Nunaatalu eqqaani umarsuarni nakkutilliisuniitinneqartarput. Qulimiguullit umiarsuarni nakutilliissutini aallaaveqarlutik ilaatigut annaassiniartartutut atortarput.

Kisianni qulimiguulinnit arfineq-pingasuusunit taamaallaat pngasut sisamalluunniit piareersimapput. Arfineq-pingasuunit ataaseq piffissami sivisunerusumi atorsinnaanngikkallassaaq. Sakkutuut timmisartortartuni stabschef oberst Per P. Olsen nassuerpoq, qulimiguullit Lynx-it nalunaaquttap akunneri silaannarmiiffigisai naammaginanngitsut.

Timmitinneqangippallaarnerisa kingunerisa ilaagaat, qulimiguulinni inuttat nalunaaquttat akunnerini ikippallaani timmisannginnermikkut ..... qulimiguullit pingasuinnaat piareersimasuutillugit, marlullu Altantikup Avannaaniitillugit qulimiguulinni inuttat danmarkimiittut qulimiguulik ataaseq timmisartorfigisaqattaassallugu pilernguppaat.

»Qulimiguulinni inuttat nalunaaquttap akunneri timmiffigisaat pingaartittorujussuuagut, Per P. Olsen oqarpoq.

Qulimiguullit Lynx-it nutaallu EH 101-it aserfallatsaaliniarnissaannut ajornartorsiuteqarnermut peqqutaasut ilagaat 2004-mi illersornissamut isumaqatigiissut.

Taamanikkut Christiansborgimi amerlanerussuteqarluartut akuersissutigaat, qulimiguulinnik iluarsaassisarfiit Sjællandip avannaani Flyvestation Værløse-miit Jyllandip qeqqani Flyvestation Karup-imut nuunneqassasut.

Værløse-mi iluarsaassisarfiit matuneqarput, aammalu teknikerit arlallit Sjællandimi sakkutooqarfiunngitsuni suliffissarsiorniarnerannik mianersoqqussutit illersornissamut qullersaqarfiup politikerillu tusaanngitsuusaarsimavaat.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER