Skip to main content

Sirius-imut atuagaq umiartornilersaarut

Qimussinik nakkutilliisut Sirius-imi sulisunut ukioq manna juullimut tunissut tassaavoq atuakkiortup Carsten Jensenip nammineerluni juullimut pilluaqqussutaa, atuakkiaalu kingulleq inuttaata nammineq atsiugaa, Nordjyske allappoq.

Tunissutissaq Mestersvig-imut Siriusip angerlarsimaffigisaanut ukioq manna juullimut nakkartitsinermi kigaallassaaserlugu nakkartinneqassaaq. sakkutuut umiartortut qullersaqarfiata - Søværnets Operative Kommando - qullersaata kontreadmiral Nils Wang sakkutuut qimusersartut tunissutissaannik nassitsisuuvoq.

- Carsten Jensen-ip atuakkiarsuaq »Vi, de druknede« (uagut ipisuusugut) atuarlugu assorsuaq nuannerpoq. Carsten Jensen-imut allapunga oqaluttuaa nuannersoq pillugu aammalu imarsiortut oqaasiinik eqqortumik atuisimanera pillugu nersualaarlugu, Nils Wang SOK-ip nittartagaani allappoq.

Atuagaq umiartortut kinguaariit sisamat Marstal-imilu annaassiniartartut pillugit imaqartoq tunisaarnerpaanut ilaasoq arlalinnik nersornaaserneqarsimavoq.

Nils Wang qimussinik nakkutilliisunut tamanut ukiut tamaasa juullimut piluaqqussuteqartarppoq, ukioq mannali allaavoq:

- Carsten Jensenilu ilaanni kaffisoqatigiippugut, taava aperaara ukioq manna juullimut pilluaqqussut allakkusunnginneraa. Taamaaliorusuppoq, taamaammat Kalaallit Nunaanni nukappiaatigut tamarmik Carsten Jensen-imiit juullimi pilluaqqussummik nassinneqassapput, Nils Wang allappoq.

Søværnets Operative Kommando-mi qullersatut atorfinikkami Sirius-ikkormiut tikeraarsimavai, taannalu assorsuaq sunnertissutigisimavaa.

- Atugassaritutaasut sakkortoqisut ataanni sulisuupput, angerlarsimaffimminnit ungaseqisumi. Taamaattumik ukiut tamaasa immikkut ittumik juullimut tunissuteqarfigisarpakka, kontreadmirali nassuiaavoq. Qullersarisamiit juullimut tunissutisiat juulliaqqami ammarneqartarput, Nakkutilliisut Qimussersartut Sirius-imiittut tamarmik ataatsimoorlutik flæskesteg-ituullutik, orpeqarlutik tunissutisillunillu pisarnertut juullisiortarput, SOK ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER