Air Greenlandip suliffeqarfissuani nutaamik aaqqissuunniarpaa

Michael Binzerip aqutsisut ikilisarniarpai - ukiunilu tulliuttuni tallimani pilersaarummi akuersissutigineqaqqammersumik iluanaarutit marloriaatinngortinnissaat anguniarpaa

Suliffissuaq Air Greenland nutaamik aaqqissuussinissat maannammut annertunersaannik aaqqissuussisussanngorpoq, tamatumani aqutisut ikiligarnissaat aammalu isertitatigut kaaviiaartitat 50 pct.-imik amerlinissaat kiisalu iluanaarutit 100 procentimi amerleriarnissaat anguniagaalluni, TRAVEL PEOPLE allappoq.

Aqutsisutigut nutaamik aaqqissuussaaneq 2008-mi januaarip 1-ianiit atuutilissaaq, anguniakkat imaannaanngitsut isertitatigut kaaviiaartitanik iluanaarutinillu amerlanerulersitsinissaannik imalik piginneqatigiiffiup ukiunut tallimanut pilersaarutaanut nutaamut siulersuisut qanittukkut akuersissutigisimasaannut ilaapput.

Periusissaatut pilersaarummi Air Greenland kisiat pinnagu aamma suliffeqarfissuup ataaniittut - Kalaallit Nunaanni Angalalitseqatigiit, Arctic Umiaq Line aamma Hotel Arctic ilaatinneqarput.

Air Greenlandip ukiumut isertitatigut kaaviiaartitai maannakkut 1 milliard kroneupput, taakkulu 1,5 milliarder kronenut qaffanniarneqarput, iluanaarutillu marloriaatinngortinniarneqarlutik.

Aqutsisut qullersaat tassaassapput Michael Binzer, suliffeqarfissuarmi pisortaanertut, Ove Nielsen aningaasaqarnermut aningaasarsiornermullu pisortaassaaq teknikkikkut aqutsisoqarfik tamaat aamma tigussallugu, aamma Morten Nielsen, taassuma timmisartuussisarnermut tunngasut, timmisartuni sulisut/ingerlatsisut mittarfeqarfinnilu sulisut akisussaaffigissallugit.

Saniatigut iluanaarniarnikkut pisortaq atorfimmi nutaami atorfinitsinneqassaaq. Inuup taassuma akisussaaffigissavai angallavinnut tunngasuni niuernermut tunngasut, tuniniaaneq nittarsaassinerlu, Naalakkersuisunut timmisartuutinik attartortitsinerit/assartuussinerit/kiffartuussinernut isumaqatigiissutit kiisalu timmisartuussinissanut pilersaarutit akinillu aalajangersaaneq.

Michael Binzer siger til TRAVEL PEOPLE:

– Aqqissuussaanikkut allanngortiterinermut tunngaviuvoq sullitat salliutinniarneqarnerat, nioqqutinik ineriartortitsineq aammalu Air Greenlandip unammilleqatigiinnissamut piareersarnissaa.

Periusissatut pilersaarutit allat tassaapput timmisartuutit taarseriartuaarnissaannut pilersaarutit, tamatumani qulimiguullit naleqqussariartuaarnissaat.

Powered by Labrador CMS