Skip to main content

Agnethe Davidsen toquvoq

Nuup Borgmesteria qaratsamigut aanaartornerminik sapaatiummat ullaakkut toquvoq.

Agnethe Davidsen, 60-inik ukioqarluni qaratsamigut aanaartornermi kingunerisaanik sapaatiummat ullaakkut toqukkut qimaguppoq. Tamanna borgmesterip tulliata aappaata Per Berthelsenip uppernarsarpaa. sermitsia.gl-ip paasitinneqarnera naapertorlugu Agnethe Davidsen arfininngormat unnukkut sakkortuumik niaqorlulluni Dronning Ingridip Napparsimmavissuanut unitsinneqarpoq.

– Tamanna assorujussuat alianarpoq, Per Berthelsen oqarpoq.

Taanna aamma oqarpoq, Agnethe Davidsen-ip annaaneratigut Nuup kommunea imaannaanngtsumik akunnattuunganartumik inissisimalersoq, minnerunngitsumik komunit kattunnissaannut tunngatillugu, tamanna Nuup borgmesteriata siuttuuffigisimagamiuk.

Agnethe Davidsen Nuummi 1947-mi aggutsip 29-iani inunngorpoq.

Agnethe Davidsen 1979-imi Danmarkimi niuernermut tunngasunik soraarummeeruteqarpoq, angerlaramilu Nuummi nunatta eqqartuussiviani 1979 tikillugu sulilluni, ukioq taanna Nuummi nunap immikkoortuani eqqartuussisunngorluni. 1979-83-imut aamma 1989-93-imut eqqartuussisutut sulinermigut illoqarfik iternga tikillugu ilisimasaqarfigilerpaa.

1983-imi Hans Pavia Rosingimut siumut sinnerlugu Inatsisartunut sinniisunngorpoq. Ukioq taanna kingusinnerusukkut inunnik isumaginninnermut naalakkersuisunngortinneqarpoq, arnani siullersaalluni naalakkersuisunngortitaalluni.

Agnethe Davidsen 1995-immi Inatsisartunut qinigaavoq. 1989-imi Siumut sinnerlugu Nuummi kommunalbestyrelsemut qinigaavoq, taamalu 1989-91-imut borgmesterip tulliata aappaattut inissisimalluni. 1991-imi qinersinermi 1993 tikillugu borgmesterip tulliatut inissisimavoq,ukioq taanna borgmesterinngorluni. Qinikkatut atuuffik taanna taamanikkullu ingerlassimavaa. Agnethe Davisenip Inatsisartut 1997-imi qimappai, kommunemi politikki kisiat aallunniaramiuk. Kisianni 2005-imi Inatsisartunut qinersinermi qinigassanngorteqqinniarluni aalajangerpoq, qinigaaqqillunilu.

kvinfo.dk naapertorlugu Agnethe Davidsen Nuup siuttuatut pissaanermik tigumminninnermini suliarisimasai pillugit Ridder af Dannebrog-imik nersornaaserneqarluni ivertinneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER