Skip to main content

Umiarsuarujussuarnik takornariat Kalaallit Nunaata imartaani navialisinnaapput

Umiarsuarujussuaq takornariartaat Kalaallit Nunaata sineriaani ukiussagaluarpat Kalaallit Nunaanni Sakkutooqarfimmi pisortap siulittuutigaa annattortaasa uumaannarsinnaanissaat ilimaginngilaa, berlingske.dk allappoq.

Umiarsuaq takornariartaat MS Explorer sapaatip akunnerata siuliani Sikuiuitsup Kujalliup imartaani iluliarsuarmut apornermi kingorna umiuvoq. Ilaasut inuttallit 154-it tamarmik umirsuarmit ikivilersumit annaanniartariaqarsimaput. Pisoq taanna peqqutigalugu sakkutuut atuagassiaata Danske Officerer-ip Kalaallit Nunaanni Sakkutooqarfiup pisortaa kontreadmiral Henrik B. Kudsk, attaveqarfigaa, kalaallit nunaata imartaani pissutsit paasiniaaviginiarlugit:

- Kalaallit Nunaanni 2007-imi umiarsuarnit takornariartaatinit 30-t missaanniittunit tikeraarteqarpugut, pingaartumik anginerpaarsuarnit, kisianni aamma russit qangaanerusoq issittumik ilisimasassarsiornermut atortasimasaat takornarianik ilaasullit tikittarsimapput. Piffissap ilaanni sukkulluunniit ajutoortoqarataannaavoq. Taava inuit 3.600 qanoq ilillugit annaanneqassappat? Henrik B. Kudsk eqqarsaatersornerulluni aperaaq.

Taanna nangilluni nassuiaavoq qangaanerusoq kalaallit nunaata imartaani angallattut amerlasarsimanngitsu - tamannalu annaassiniartarnermut tunngatillugu aammalu attaveqaatinut tunngatillugu aallaavigineqartarsimavoq, berlingske.dk naapertorlugu Kalaallit Nunaanni Sakkutooqarnermut Qullersaqarfiup ittua taamak oqarpoq.

Henrik B. Kudsk-ip neriuutigaa, inuit umiarsuarmut ilaallutik takornariarniartut qanoq navianarsinnaatigisumut ilaallutik nalussanngikkaat:

- Ilumoorpoq, nunani kiannerusunituulli imaatigut annaassiniartarnermut tunngatillugu attaveqaqatigiiaarnermik soqannginnatta. Kalaallit Nunaanni ajutoorneq pissagaluarpat teqeqquni tamani qulimiguulimmik imaaliinnarluni inissiiginnartoqarsinnaanngilaq. Imartap tamatuma pissusaa aammalu annaassiniutit pigineqanngitsut ataatsikkooratarsinnaanerat ernummatigaara.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER