Skip to main content

Vædderen kalaallit nunaannukaqqippoq

Qallunaat sakkutuuisa imarsiortut umiarsuaat Vædderen ilisimasassarsiorneq Galathea-3 naammassimmat maanna Atlantikup avannaani aalisarnermik nakkutilliilluni aallarteqqippoq.

Galathea-3-mik ilisimasassarsiorneq ukioq manna apriilimi naammassillugu Vædderen angerlarmat amutsivimmut amuteqqasimavoq, ileqqumisut siunertaminullu isikkoqalerseqqillugu, taamaalilluni umiarsuup ingerlatani pingaarnerit ingerlateqqissinnaalissammagit, tassalu aalisarnermik nakkutilliineq Danmarkillu tamakkiisumik oqartussaaneranik illersuineq.

Containerersuit misissuiffiit peerneqarsimapput Vædderen-illu qulimiguulimmut mittarfia imaarussimallugu, aamma aquani tallissutitut qaaliaq svejserlugu peerneqarsimavoq. Galathea-mut atortut katillugit 350 tonsit peerneqarput, taakku qaammatini qulingiluani nunarsuaq kaajallallugu ilisimasassarsiornermi annertuumik malunnaataasimapput, pol.dk allappoq.

Savalimmiut imartaani qaammat ataaseq missiliorlugu nakkutilleereerlutik Vædderen-ip inuttai Galathea-mik ilisimasassarsiornerup immikkoortuata siulliani peqataasimasut maannalu ullualunni Dublin-imi freersimaareerlutik avannamut ingerlaalersimapput, tamatumuunakkut Vædderen ilisimatuussutsikkut umiartoreernerup kingornali Kalaallit Nunaata imartaani suliassanik aatsaat suliaqaqqilerpoq, tamatumuuna kitaani.

Vædderen nalinginnaasumik Kalaallit Nunaata Kangiata imartaani nakkutilliisaraluarpoq.

Vædderen Kalaallit Nunaata ukiamiit ukiumut nikinnerata tungaanut kitaaniissaaq, aamma assartuinermik suliassat assigiinngitsut suliarissallugit. Jannuaarip 4-ni umiarsuup inuttai Reykjavik-imi Islandimiittumi taarsissapput, kingornalu Kalaallit Nunaannut utissalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER