Skip to main content

Nunasiaasimasut EU-mi ilaqutariinnut ilanngukkiartortut

EU-kommissionip qanga nunasiaasimasut inissisimanerat "ilaqutariinnut ilaasut"-ut inissikkiartornissaat ilaasortat nalinginnaasut assigalugit aningaasaqarnikut pilersaarutinut ilaasinnaalersillugit allanngortinnialerpai.

Nunat OLT-mik taanqartartut (Oversøiske Lande og Territorier) Kalaallit Nunaata akuuffigisaata ukiumoortumik naapeqatigiisinneqarneranni EU kommissionip ineriartornermut generaldirektøriata Stefano Manservisip ullumi EU-p nunallu OLT-mmersut akornanni siunissami attaveqaqatigiiffiit pillugit eqqarsaatersuutai saqqummiuppai.

Generaldirektøri naapertorlugu kommissioni nunat OLT-ip iluaniittut "nunat inerirtortitat pigissaanerusut"-niit "Ilaqutariinnut ilaasut"-ut inissisimaalersinnissaannut piareersimavoq, EU-mi nunat ilasortaattulli EU-p prgramiinut piginnaatitaaffilerlugit, soorli aningaasaqarnikkut tapeeriaatsit eqaannerusunngortinneqarnissaat eqqarsaatersuutigineqartoq, taamak namminersornerusut nunanut allanut tunngasunut pisortaqarfiat ullumi ilisimatitsivoq.

Aningaasatigut tapiissuteqartarnermut tunngasuni Kalaallit Nunaat aningaasaqarnikkut missingersuutitigut tapiissuteqartarnerup eqqukkiartorneqarnerani nunatut maligassiuisutut taaneqarpoq, tassani ukiiup ataatsip ingerlanerani missingersuusianit tapiissutit pillugit malittarisassat ilisaritillugillu eqqukkiartorneqarsimammata. Kalaallit Nunaannut tunngatillugu aningaasaqarnikkut missiginersuusiat aallaavigalugit tapiissutit 2007-i naatinnagu tunniunneqassapput.

Bruxelles-imi ataatsimeeqattaarnerni kalaallit nunaata aallartitaata aqutsisuata Aleqa Hammondip kommissionip eqqarsaatersuutai soqutiginartuutippai, aammalu OLT-mik aaqqissuussaq nunat ilaasortaaqqaartut qanga nunasiaatigisimasaat eqqarsaatigalugit 1956-imi pilersinneqarsimasup nutarterneqarnissamut pisariaqartitsisoqarneranut isumaqataalluni.

Aleqap innersuussutigaa EU-p nunanut amerligaluttuinnartunut akitsuutitaqanngitsumik eurpami niuernermut ammaasisalernera peqqutigalugu taamanikkut nunat OLT-p iluaniittut taamanikkut akitsuutitaqanngitsumik eqqussisinnaanerannut sanilliullugu imminut akilersinnaanngitsoq. Assersuutigalugu ilaatigut maanna canadamiut raajaannik EU-mut akitsuutitaqanngitsumik eqqussuisinnaaneq ammaanneqarpoq, tamannalu kalaallit nunaata raajanik avammut nioqquteqarneranut unammillernermut sukannernerulersitsissasoq ilismagineqarpoq.

- Taamaattumik OLT-mik aaqqissuussap nutsarterneqarnissaanut isumaqataavunga. Kommissioni neriorsorpara Kalaallit Nunaat eqeersimaartumik pitsaasumillu suleqataajumaartoq. Aamma Kalaallit Nunaat nunatut maligassiuisutut taaneqarmat assut iluarisimaarpara. Pingaaruteqarpoq, suleqatigiinnissamut isumaqatigiissutip ataani EU-miit tapiissutit ilanngukkiartornissaa tunniunneqarnissaallu, Aleqa Hammond ullumi oqarpoq.

Siunertaavoq OLT-mik aaqqissuussap nutarternissaata annertoorujussuup piffissaqarluartumik naammassiaarsinnaanissaa, taamaalilluni aaqqissuussaq maannakkut atuuttoq 2014-imi jannuaarip 1-ianiit taarserneqarsinnaalissammat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER