Nunaqarfiit meerartaannut qaajassanut katersuiniarneq
Paffimmiunik gummiusunik tuniniaaneq meeqqat nunaqarfinniittut avinngarusimasuniittut qajassanik nassiussuinissamut iluaqutaassaaq.
Katersuiniarneq "Meeqqanut atuartunut qajat"-imik (kayaks to schools) taaguutilik decembarip 1-iani aallartissaaq, tamanna suliffeqarfiup Greenland Kayaks-ip Qaqortumiittup suliniutigaa.
Qaannanik tunisassiortup passimmiut gumminik sanaat »Kayak Revolution«-mik allannillit tuniniarniarpai, taamaattunik ataatsimoortunik tallimanik 300 kr.-ilerlugit pisigaanni nunaqarfinni atuarfinnut tamanut aningaasaliisut 200-it akornanni inissisimasoqalissaaq. Aningaasaliisut tamarmik nittartakkami greenlandkayaks.gl. Greenland Kayaks-imi allassimasussat qaanniunermut atortussanik pisiniarnermut aningaasaliisuussapput.
Katersuiniarnermi qaananik ikkussoriaannarnik tigusisussat siulliit tassaassapput kalaallit nunaata kujataa Aappilattumi tunumilu Isertumi meeqqat atuartut 50-it missaanniittut, Greenland Kayaks-imik piginnittoq Baldvin kristjansson nittartakkami ilisimatitsivoq.
Suliniutikkut nunaqarfiit piitsuunersaasut ilinniutissatut atortussanik qangatullu atortunik pilersorneqartussaapput, tamatumani neriuutigineqarluni kulturikkut paasinninneq inuussuttuni imminut iluarisimaarinninnerulernissamik kinguneqarumaartoq.
Atuarfiit tamarmik immikkut qaannanik inuusuttunut naleqquttunik sisamanik inersimasumullu naammattumik ataatsimik atortussaanillu naammattunik qaaniorsinnaanissaannut atorsinnaasunik nassinneqassapput.
Juullimut allaalaartumik aningaasaliissutissamik tunniussaqarusulluni kajumissagaanni paasissutissat sukumiinerusut greenlandkayaks.gl-imi pissarsiarineqarsinnaapput.