Skip to main content

Piniarnermut nakkutilliisut akissarsiaat isumaqatigiissutigineqartut

Piniarnermut aalisarnermullu nakkutilliisut aappaagu apriilip 1-ianiit 2011-imi marsip 31-ianut atuuttussamik akissarsiatigut Namminersornerullutik Oqartussallu isumaqatigiissuteqarput.

Isumaqatiginninniarnerit imminnik oqaluttuarisaanerm pingaartuupput, tassa isumaqatigiissut atuuttuusoq suli atorunnaarsinneqanngitsoq naanngitsorluunniit isumaqatigiissut nutaaq isumaqatigiissutigineqarmat, Namminersornerullutik Oqartussat Pisortat Isumaqatiginninniartartoqatigiiviniit isumaqatigiinniarnerit 1991-imili tigummagu. Taamak namminersornerusut paasissutissiisarnermut immikkoortortaa ilisimatitsivoq.

Ataatsimoortumik aningaasaqarnikkut killiliussap 300.109,- kr.-it iluannni isumaqatigiittoqarpoq, taakku iluanni tunngaviusumik akissarsiat qaffaatissaq siumut isumaqatigiissutaareerluni, aammalu aningaasat immikkoortitat pieersut qaffanneqarnissaat, taakku inunnut ataasiakkaanut tapiisiassanngorlugit tunniunneqassallutik.

Kalaallit Nunaanni Namminersornerullutik Oqartussat tungaanniit ukiuni siuliini pisartut assigalugit pensionimut akiliutit pitsaanerulersinnissaannut aningaasanik immikkoortitsisoqarsimavoq, pensionimut ileqqaarnernut kalaallit nunaanni inissisimasunut. Sulisoqarnermut kattuffiit aamma namminneq pensionimut akiliutaasartut pitsaanerulersinnissaannik pingaartitsillutik namminneerlutik qaffaatit 5,50%-tit tikillugit qaffaasersimavaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER