Annaqqartoq
Aqqutiliuummik ingerlatitsisup matu ammarsinnaasimanngilaa saneraatigullu igalaavatigut putoqqussinnaasimalluni.
Aqqutiliuut imeqarfimmi sikukkut nakkaammat sukkaqaaq. Kisianni maskiinamik ingerlatitsisup matua ammarsinnaasimanngilaa saneraatigullu igalaakkut putoqqunniartariaqarsimalluni.
– Piffissaq kingullerpaaq atorlugu maskiinamiit kivitinnagu anillassinnaasimavoq, sisorartarfimmi aqutsisoq Laarseeraq Skifte Sermitsiaq.gl-imut oqaluttuarpoq.
Taanna nassuiaavoq, aqqutiliuut sikumi silaannartaq 18 cm-tut angitigisoq pissutigalugu sikukkut nakkaassimasoq. Laaarseeraq Skifte nammineq 5 minutsit sioqqullugu aqqutikkut tassuunaqqussimavoq. Taamaakkaluartoq suleqataa tassuunaqqulluni maskinnamik allamik malinnaatilluni nakkaattoorpoq. Taanna allamik ilaasoqarsimavoq, ilaasuatali matu ammarsinnaasimavaa pississimallunilu, Laarseeraq Skifte ilisimatitsivoq. Sisorartarfimmi aqutsisoq naapertorlugu ingerlatitsisoq ajoqusinngilaq, kisianni pisoq pillugu annilaarsimaqaluni.