Qamussuit suli qaqinneqanngillat
Qatserisartut qamussuit ippassaammat Sisimiuni imeqarfimmut nakkaattut pingasunngormat qaqinngitsoorpaat. Sisamanngorpat misileeqqittoqassaaq.
Annonse
Sisimiuni qatserisartut illoqarfimmilu suliffeqarfiup Polarentreprisep qamussuit pingasunngornermi imeqarfimmit qaqingajavikkaluarpaat. Sermitsiaq.gl-ip paasisai naapertorlugit qamussuit tatsip naqqatigut 250 meterinik ingerlanneqarsimapput, tassanngaaniit qaqinneqarsinnaanissaat periarfissaqarmat.
Kisianni qamussuit sikumiit puttallaleruttorut qamussuup kivitsissummut ikkusimaffia napisimavoq. Taamaattumik aqqartartut aqqaqqillutik wireri qajannaaqqittariaqarsimavaat, meterit kingulliit atorlugit qaqinneqarsinnaaniassammat.