Skip to main content

Igaassat Brugsenip kalaalimininngortippai

Puulukip neqai nersussuullu neqai pinnagit Kalaallit Nunaanni Brugsenip sapaatip akunneranut arfermik, tuttumik savaaqqamillu igaassat neqeroorutigai.

Sisimiuni Nuummilu atuisartut maanna sapaatiup akunneranut igaassat kalaalimerngit toqqarsinnaalerpaat, pisarnertut qallunaaminernut taarsiullugit. Kalaallit Nunaanni Brugsenip, KNB, neqeroorutigai kalaalimerngit ulluni 7-ini igaassat arfermik bøffiliassanik, umimmaap talianik, qaleralinnik siatassanik, savaaqqamik suppaliassanik imallit. Poortukkat 4 kiilut missaannik oqimaassuseqarput 450,00 koruunillu missaannik akeqarlutik. Qallunaat ullunut 7-inut igaassaat 4,5 kiilumik oqimaassusillit nalinginnaasumik 239,00 koruuninik akeqartarput.

Kalaaliminernik neqeroorutit akisunerugaluartut Nuummi Brugsenip isortaata Kim Jensenip naatsorsuutigaa sapaatip akunneranut kalaaliminertugassat tunisaalluassasut.

– Misilittakkatsinnit nalunngilarput pisisartut kalaaliminernik perusuttut. Tamanna takuarput kalaallit naatsiiaannik tuniniaagatta, ilimagisatsinnit annertunerujussuit tunigatsigit, Kim Jensen Sermitsiaq.gl-imut oqarpoq.

Brugsenip ukioq manna kalaallit naatsiiaat 50 tonsit sinnillit tunisimavai. Brugsen Qaqortoq siumut isiginiarsimavoq naatsiiallu ilaat toqqorsimallugit, juullilernerani kalaallit naatsiiaannik tunisassaqarniarluni, taamatut paasissutissiivoq KNB-p ussassaarinermut pisortaa Ulla Arlbjørn.

Ussassaarinermut pisortaq Ulla Arlbjørn naapertorlugu kalaaliminernik sapaatip akunneranut igaassanik isumassarsisuuvoq Sisimiuni Brugsenip neqaarniartua. Taassuma ilanngullugu oqaatigaa kalaalimerngit sapaatip akunneranut igaassat tunngaviusumik Brugseninut tamanut, nammineq neqaarniarfilinnut siammarsarneqarsinnaasoq. Illoqarfiilli sisamat taamaattunik tuniniaavigineqarallarpput, Nuuk, Sisimiut, Maniitsoq aamma Qaqortoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER