Aalisartut marluk politiinit annaanneqartut
Ilulissat kangerluanni aalisartut marluk qimmitik sikuamut qimattariaqarpaat.
Ilulissani aalisartut marluk tallimanngormat novemberip 30-ianni maqaasineqartutut nalunaarutigineqarput, aalisartut allat paasimmassuk siku qimussimik tupeqarlutik siniffiat peerussimasoq. Iluilssat Kangerluanni puttaarujussuaq kaanngarsimavoq aalisartullu qimussiilu kangerlummut avammut tissukaassimallugit.
– Sapaatiummat qaammarmat helikopterimik aallarpugut aalisartullu marluk ajunngitsut nassaaraavut. Petroliuerutingajassimapput, taqussaminnilli nunguutsisimanngillat. VHF-radioqaraluarput, puttaarli issimaffiat radiomik sakkortusaavimmit angumaneqarsinnaasimanngilaq. Marluullutik ajunngillat. Qimmiili puttaamut qimattariaqarsimavagut. Puttaaq ujaqqissavarput qimmii annaanniarniarlugit, Ilulissani politeeqarfiup ittua Janus Eigaard Sermitsiaq.gl-imut oqarpoq.