Skip to main content

Kinguaassiuutitigut atornerluineq pillugu ullut sammisaqarfiit

Meeqqanik kinguaassiuutitigut atornerluineq pillugu isiginnaagassiaq "Det bliver sagt"' sapaatip akunnerani uani marloriarlugu Katuami takutinneqassaaq.

Holbæk Teaterip isiginnaagassiaq "Det bliver sagt" takutissavaa, taannalu nammineq inuunermik atuakkiamik taamatuttaaq taaguutilimmik, Kristian Ditlev Jensenimit allanneqarsimasumik, tunngaveqarpoq. Isiginnaagassiaq sisamanngorpat arfininngorpallu Katuami takutinneqarpat atuakkiortoq peqataassaaq. Aamma tarnip pissusianik ilisimatooq Kuno Sørensen, Red Barnet-imeersoq, aaqqissuussinerni taakkunani marlunni oqallinnermi peqataassaaq. Isiginnaagassiaq sisamanngorpat ilisimasalinnut takutinneqassaaq (katsorsaasartutut, perorsaasunut il.il.) arfininngorpallu aappassaaneernerani illoqarfimmiunut takutinneqassalluni.

Aaqqissuussinernik ingerlatsisuupput PAARISA aamma meeqqat inuusuttullu illuat Mælkebøtten. Isiginnaagassiami pineqarpoq qanoq isilluni angutip inersimasup nukappiaraq kinguaassiuutitigut atornerlukkaa, ilaatigut "grooming"-imik taaneqartumik, tassa meeraq kinguaassiuutitigut atornerlunniarlugu uukapaateriarlugu killinniarsaralugu. Red Barnet-ip sulissutigaa grooming Danmarkimi pinerluuteqarsimanermut inatsimmut ilanngutsinneqarnissaa, taamaasilluni ajortuliorniartoq pinerlunnerup pinnginnerani unitsinneqarsinnaaqqullugu, suliniaqatigiiffiup quppernerani nittartakkami allassimavoq.

PAARISA-mi siunnersortip Anita Johansenip isiginnaagassiaq Sverigemi takusimavaa nunat avannarliit meeqqat sumiginnakkat pillugit ataatsimeersuarneranni. Taavalu isumassarsiara isiginnaagassiap Kalaallit Nunaanni takutinneqarnissaa, Namminersornerullutik Oqartussat meeqqanik sumiginnaanermik akiuiniarneranut atatillugu.

– Isiginnaagassiaq sakkortoorujussuuvoq pikkunaqalunilu, immaqa pissutigalugu isiginnaagassiami misigissutsit tamarmik attorneqarmata, Anita Johansen Sermitsiaq.gl-imut oqarpoq.

Isiginnaagassiaq arfininngorpat nalunaaqutaq 16.00 innuttaasunut Katuami takutinneqassaaq, kingornalu saqqummiussisoqariarluni qallunaatuumiit kalaallisuumut torrutiinnarlugu oqalutsilerluni oqallittoqassalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER