Kalaallit Nunaat qimaasunik tigusisinnaavoq
Naalakkersuisooqatigiit Venstre-t De Konservative-llu oqartussaasuuppata Kalaallit Nunaata qimaasut nunassissinnaagaluarpai.
Partii tapersersuisuusup Dansk Folkepartip isumaq tapersersorpaa, kisianni Kalaallit Nunaata qimaasunik akisussaaffeqarfittut tigusisinnaanissaa upperinagu, Kalaallit Nunaat namminersulivinngippat.
Kalaallit Nunaanni politikkikkut qullersaq, naalakkersuisut siulittaasuat Hans Enokseni ungasinngitsukkut Kalaallit Nunaat qimaasunik tigusinissaminut piareersimanngitsoq oqarpoq. Ilaatigut inissiat amigaataareerput, erseqqissaavoq. Kingornagut saamerliuniaq IA nalunaarpoq, inissaaleqineq utoqqatsissutissaanngitsoq. Taamak oqarpoq IA-mi siulittaasoq Kuupik Kleist.
- Qimaasut amerlasoorpassuit Danmarkimut pisut maannamut nallinnartumik inuuneqalersinnaanertik ajapeqqasarsimavaat, ilaat ukiorpassuarni, qimaasutut isigineqarumallutik akuerineqarnissaminut utaqqiisaa katersuussivinni. Qamuuna neriuutigeqaara ullut ilaanni qaquguugaluarnersoq qimaasunik tigusisinnaalerlutalu tigusisalerutta uagut periaatsit tamakku atussanngikkigut, Kleist oqarpoq.