Skip to main content

Tuberkulosertut amerliartortut

Kalaallit Nunaata kujataani atuarfiit ilaanni atuartut 20 procentii tuberklosemik tunillatsissimapput, Metroxpress allappoq.

Kalaallit Nunaanni tuberkulosertut Danmarkimi tuberkulosertunit 25 -riaammik amerlanerupput.

Kalaallit Nunaanni tuberkulosemut tarrarsortittarneq nalinginnaasumik atuarnermut aatatillugu pisarpoq, atuartut 1. klassemi atuartut tamarmik puakkut nappaammut toqqutaasinnaasumut misissortittarlutik.

Tamanna nunap nappaammut akiuinianeranut pingaaruteqarpoq, nappaat maanna ima siaruaatsigilersimavoq, Danmarkimi nunailu ineriartortitani allani pisartunut sanilliullugu 25-riaammik annertunerulersimalluni, taamak Charlotte Fuglsang, Danmarks Lungeforening-imi pisortaq oqarpoq.

- Kalaallit Nunaata kujataani meeqqat atuartut 20 procentii tuberkuosemik tunillatsissimapput. Kalaallit ilarpassuisa nappaammik taassuminnga tunillatsissimanertik nalusarmassuk ajornartorsiutaavoq, taamaattumik siaruaakkiartorpoq, Charlotte oqarpoq.

Sulisut nunaqarfeeqqanukarlutik innuttaasut nappaateqalersimanerannik misissuiartorsinnaasut amigaatigineqarput, Niels Seersholm-i Gentofte Hospital-imi puakkut nappaatitigut immikkoortortami nakorsaaneq Kalaallit Nunaanni tuberkulose-mik suliaqartuusoq oqarpoq.

Tamanna Kalaallit Nunaanni nakorsaaneq peqqinnissaqarfimmi nakkutilliisuneersup Flemming Stenzip isumaqatigaa. Taamaattoq taassuma nuannaarutigaa, naalakkersusut qaammatip ataatsip matuma siornatigut aningaasat tuberkulosemut akiuiniarnermut atugassat immikkoortissimammatigit.

- Taava meeqqat atuartut suli amerlanerit tarrarsorsinnaalissavagut, sulisut amerlisillugit innuttaasunullu paasititsiniaanerusinnaalerluta, Stenz oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER