Juullip inua Kirgisistanimi najugaqarpoq
Juulli tamanut ulapaarfiuvoq, kisianni arlaat stressilersimassaguni tassaassaaq juullip inua, TV2 allappoq.
news.com.au naapertorlugu maanna sverigemi siunnersuisartut ilaata isummiuppaa juullip inua Kirgisistanimi [ligger mellem Kinap Kazakstanillu akornanni inissisimasoq, aaqq.] najugaqartoq, nunarsuarmilu meeqqanut tamanut tunussutissat tamassa tunniunnissaannut angumerisinnaassagunigit kallerullu inneratut sukkatigaluni angalasinnaasariaqarluni.
Svenskit naatsorsuinerat naapertorlugu piffissami juulliaqqap unnukkuaniit juullerujussuup unnukkuata tungaanut juullip inuata nunarsuaq kaajallallugu aqqummini angerlarsimaffiit 2,5 milliardit aqqusaartussavai, naatsorsuutigigaanni upperisaq apeqqutaatinnagu meeqqat tamarmik angummit taassuminnga pualasoorsuarmit aappaluttunik atisalissuarmik tunissutisissappata.
" Naatsorsorsimavarput nunarsuarmi km2-erimut ataatsimut inuit 48-sartut, angerlarsimaffiillu tamarmik akornat 20 meteriusoq. Tassa juullip inua nunarsuup kaavinnera assorlugu Kirgisistanimiit aallaruni tunissutissat tamaasa apuunnissaannut nalunaaquttap akunneri 48-t piffissarai," Anders Larsson-i siunnersuisarfimmit Sweco-meersoq oqarpoq.
Juullip Inua Kalaallit Nunaanni najugaqanngilaq
Ilaat isumaqarput juullip inua Qalasersuarmi najugaqartoq, allat isumaqarput kalaallit Nunaanni najugaqartoq, allallu aamma isumaqarput Finlandimi najugaqartoq, taamaakkaluartoq svenskit naatsorsuinerisa takutippaat, juullip inuata ataasiinnavimmi najugaqarsinnaanera aqqutip atorluaanarnerpaajusup takutikkaa, taamaanngippat juullimut tunissutissat tamaaviisa piffissaq eqqorlugu tunniussuunnissaat angumerisinnaanavianngilaa.
"Angerlarsimaffimmut ataatsimut piffissaq atugassaraa 34 mikrosekunf - piffissap taassuma iluani pujoorfikkut aqqarluni, tunissutissat inissillugit, kaagisorlunilu immuttoqqaassaaq, kingorna qamussuarminut ikiariarluni ingerlaqqitsinnani," Anders Larsson oqarpoq.
Taannaannaanngilarli, tassa tuttuutai juullip ullua naanngitsoq apuunniassagunik sekundimut 5800 km-nik sukkassuseqarlutik ingerlaartariaqarput.