Skip to main content

Inissiat oquttut nalunaarsorneqarput

Inissiaatileqatigiiffiup INI-p nuna tamakkerlugu inissiaatimini oqummik skimmelsvampimik pinissimasut naluneqanngitsut tamaasa sumiinneri tamanut saqqummiutissavai. Taassuma ilaatigut takutippaa, Nuummi skimmelsvampip atugaanera naatsorsuutigisamit annertunerujussuarmik atugaasoq.

Soorlu Sermitsiami nr. 46-mi allaaserineqartoq INI-p nalilerpaa, Nuummi Radiofjeldimi inissiat 10 procentii skimmelsvampimik eqqorneqarsimasuusut. Inissiaatileqatigiiffiup ajornartorsiutip nuna tamakkerlugu qanoq atugaatiginera misissornialerpaa, alloriarnerillu siullersaat aallartinneqareerluni.

INI-p illoqarfinni 13-ini INI-p inissiaateqarfigisaani inissiani attartortittakkani init skimmelsvampeqartutut ilisimaneqartut takussutissaliorniarpai.

Takussutissaq uannga qullernermit download-erneqarsinnaavoq.

Inissiaatileqatigiit ajornartorsiut pillugu misissuisitsinermik aallartitsisimavoq. Teknikerit tamaasa qinnuigineqarsimapput nuna tamakkerlugu inissiaatileqatigiiffiup immikkoortortaani tamani taamaattoqarneranik nalunaarutiginninnerit tamaasa nalunaarsoqqullugit.

Taaneqartup saniatigu inissiaatileqatigiit Danmarkimi Teknologisk Insitut-imiit tikeraarteqarsimavoq, taakkualu Nuummi, Maniitsumi Sisimiunilu inissianiit misissugassanik assigiinngitsunik tigusiortorsimapput. Peqatigitillugulu Teknologisk Insitut-imeersut INI-p teknikeriinik pikkorissartitsisimavoq, teknikerit skimmelsvampimik naliliisinnaasunngorlutillu suliarinnissinnaalersinniarlugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER