Tappinnerulerniarlutik Sverigeliartut
Kalaallit isimikkut suliaritittussat arfinillit laser atorlugu isimikkut pilattartereersimallutik Svergimiit uteqqammerput.
– Ingerlalluakutsoorsimapput tamarmillu tappinnerulersimallutik Nuummut uteqqipput, Nuummi Arctic-Optik-imeersoq Morten Fokdal-Knudsen unnersiorpoq.
Taassumap qanittukkut kalaallit isimikkut suliaritittussat arfinillit Sverigemi Malmømeeqatigisimavai.
Morten Fokdal-Knudsen isileritittussallu arfinillit novemberip 22-ianni Nuummiit aallaramik novemberip 26-ianni uteqqereerput.
Morten Fokdal-Knudsenip suliaritissimasut Nuummi malinnaaffigissavai.
– Pilattartissimanerisa kingunerisaat misissorumaarpakka. Suliaritissimasut isaat assilisinnarlugit taakku misissugassanngorlugit Sverigemi isilerisarfimmut nassiutissavakka.
– Inuppassuarnit laser atorlugu pilattartikkusuttunit saaffigineqartarpunga. Nalinngilara inuppassuarnik Tyrkiamut isileritikkiartortoqartartoq.
– Skandinaviamili suliaritinnissaq isumannaannerujussuuvoq.
– Pilattartinneq kinguneqarnerlussagaluarpat isumannaallisaaneq tassani pitsaanerummat.
Suliaritissimasut arfinillit tamarmik immikkut pilattartinnermut sisamariarlunilu hotelimi unnuinermut 24.000 kronit missiliorlugit akiliisimapput.
Sermitsiaq atuaruk...