Skip to main content

Sumiginnaasarnermut akerliussutsimik takutitsisut

Ilulissani, Aasianni, Sisimiuni, Nanortalimmi Narsamilu meeqqat sumiginnagaasarnerat pillugu akerliussutsimik arfininngornermi takutitsisoqarpoq.

Akerliussutsimik takutitsinerit Siumup Inuusuttunut Suliniaqatigiiffianit aaqqissorneqartoq, knr.gl. oqaluttuarpoq.

- Neriuutigaarput politikerit nunatsinni meeqqanut sumiginnaasarneq akuersaarneqarsinnaanngitsoq eqqummaariffiginerulissagaat, innuttaasullu tamatumunnga aamma peqataatikkusoqaagut. Piffissami kingullermi tusarparput meeqqat tummeraqarfinni sinittartut, tamanna akuersaarneqanngisaannarluinnassaaq.

- Politikerit tamatumunnga eqqummaarinnerutikkusuppagut, taama pisoqartaannarmat, eqqartorneqartorlu uteqqiattuusarmat pitsaanerusumik alapernaaffigineqartariaqarpoq, Mads Petersen, Siumut Inuusuttunut Suliniaqatigiiffiani siulittaasumut tulliusoq oqarpoq.

- Siumut Inuusuttunut Suliniaqatigiiffiata neriuutigaa Kalaallit Nunaanni politikerit Naalagaaffit Peqatigiit meeqqanut isumaqatigiissusiaat nunatsinni atuutsititaaneranut naapertuulluartissagaat.

Politikeriinnaanngillat meeqqanut sumiginnaasarnermik eqqummarinnittussat, Siumut Inuusuttunut Suliniaqatigiiffia isumaqarpoq. Tamatta meeqqat atugaannut akisussaaffeqarpugut:

- Inuiaqatigiit tamarmiullutik tamanna aaqqivisariaqarpaat. Kinaluunniit Kalaallit Nunaanni najugaqartoq nunagisaminut akisussaaffeqarpoq, sumiginnaasarneq oqaloqatigiinnikkut paquminartuutinneqarnera qaangerneqartariaqarpoq, Mads Petersen, knr.gl.-mut oqarpoq.

Ilulissani kulturikkut illorsuani Sermermiuni innuttaasunik Ilulissani pinaveersaartitsinermik suliallit Siumut Inuusuttunut Suliniaqatigiiffia suleqatigalugu unnugu ataatsimiititsisapput. Inatsisartuni ilaasortaq Doris Jakobsen oqallinnermi peqataassaaq.

Nuummi assigusumik novembarip 14-ani akerliussutsimik takutitsinissamut isumassarsisoqareertoq, Mads Petersen nassuiaavoq, Siumut Inuusuttunut Suliniaqatigiiffianit aamma tamanna peqataaffigineqassalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER