Skip to main content

Takornariat issittumut angallattorsuupput

Kingusinaartinnatik sermit Iigartartut aattut takorusuppaat. Albatrosip 2007-imiit 2008-mut 50 pct.-inik amerleriaateqarnissaq naatsorsuutigaa.

Orniginartitaq taanna avatangiisinut takornariarneq. Angallannerup iluani niuffaffik nutaaq, taannalu nunarsuup kissatikkiartorneranit nunarsuarmullu navianartorsiutinit allanit ilalersorneqarluartoq standby.dk allappoq, Jyllands-Posten-imik issuaasoq.

Allarpassuit taamaareersut USA-miaasit sukkanersaapput. Taamaalilluni Betchart Expeditions Californiameersup warmning islands-imut illuni 12-ini ilisimasassarsiornissamik neqerooruteqarput, qeqertaq Kalallit Nunaata imartaanit puttussimasoq, tamaani sikup aannerata kingorna.

Danmarkip aamma silaannaap allanngoriartorneranit takornariat amerleriaateqarnerat eqeersimaarfiginerulerpaa. Qallunaat ukiuni makkunani nunarsuup avannaarpiarsuanut aatsaat taamak angallatsigilerput.

– Kalallit Nunaannut soqutiginninneq annertuseriapiloorsimavoq. 2007-imiit 2008-mut 50 pct-mik amerleriaateqarnissarput naatsorsuutigaarput, Peter Skov, standby.dk naapertorlugu Albatros Travel-imi tuniniaanermut pisortaq oqarpoq.

Taassuma qularutiginngilaa nunarsuup qanoq inneranik oqaluttuat dramatiskiusut inuit kalaallit nunaata kangiani pinngortitamut najoruminaatsorsuarmut angalarusulersissimavaat, AlbatrosTravel Tunup Avannaanut Ilisimasassarsiornersuup Mylius Eriksenip pisortaaffigisaata ukiunik 100-liineranut atatillugu aappaagu tamaanga angalaartitsiniarput.

FN-ip naatsorsorsimavaa inuit millionit aappaa affaanik amerlassusillit ukioq manna nunarsuup issittortaanut Kalallit Nunaannut, Canadamut, Norgemut (Svalbard) Ruslandimullu feriarlutik angallannniartut. Ukiut 10-it matuma siornamut sanilliullugu 50 pct-imik amerleriaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER