Juullip nipitittagaa tuniniarneqalissaaq
Sisamanngornermi novemberip 1-annit ukioq manna juullimut nipitittagaq Kalaallit Nunaanni tamarmi TELE-POST Centerini 16-ini tuniniarneqalissaaq.
Annonse
Juullip nipitittagaa 2007 aqagu pingasunngornermi tamanut saqqummiunneqassaaq sisamanngornermiillu pisiarineqarsinnaalissalluni.
Taamaasilluni siornamisut POST Greenlandip tuniniaanermut sulisuni juullip nipitittagaanik saqqummersersitsisartumut, Juullip Nipitittagaa-nut, akeqanngitsumik atugassaritissavai.
– Taamatut sullissineq akeqanngilaq, POST Greenlandillu tulluusimaarutigaa pisisartorpassuit, aalajaatsumik juullip nipitittagaanik pisisartut atuisartullu taamatut kiffartuussinnaagamigit, paasissutissiinermut pisortaq Malînánguaq M. Mølgaard tusagassiorfinnut nalunaarummini allappoq.
Nunaqarfinni Pilersuisoq A/S tuniniaasuussaaq, taamaasilluni Kalaallit Nunaanni kikkut tamarmik juullip nipitittagaanik pisisinnaassallutik.