Atuarfik namminersortoq isumaqatigiissuteqartoq

Nuummi atuarfik namminersortoq - Nuuk Internationale Friskole - ilinniartitsisut kattuffiannik IMAK-imik isumaqatigiissuteqarpoq.

Nuuk Internationale Friskole åbnede september 2006.

IMAK aamma Nuuk Internationale Friskole (NIF) ullumikkut isumaqatigiissummik nutaamik 2010-mi martsip 31-iata tungaanut atuuttussamik atsioqartigiipput. Isumaqatigiissummi NIF-imi atuartitsisunut akissarsiat, piffissaq suliffik atorfininnermullu tunngasut allat aalajangersaavigigineqarput.

NIF-imi siulersuisuni siulittaasup Søren Peter Jensenip isumaqatigiissut nuannaarutigalugu oqarpoq, isumaqatigiissut siulersuisunit qaammat ataaseq sinnilaarlugu matuma siorna qinigaaasunit pingaarnertut anguniagaasimavoq.

– Nunannaarutigaara isumaqatigiissut ilinniartitsisut atugassarititanik meeqqat atuarfianni ilinniartitsisut atugaannut assingusumik isumaqatigiissuteqarfigineqarmata, Søren Peter Jensen Sermitsiaq.gl-imut oqarpoq.

IMAK-ip siulittaasua isumaqataavoq.

– Isumaqatigiinniarnerit torersumik ingerlanneqarsimapput. Isumaqatigiissullu pisortanut isumaqatiissutigisatta assigerluinnarpaa, Sivso Dorph oqarpoq.

Atuarfiup namminersortup siulersuisuisa isumaqatigiissutip saniatigut aamma atuarfimmi ilinniartitsisut inissaqartissinnaanissaat sulissutigaat, siulersuisuni siulittaasoq Søren Peter Jensen oqarpoq.

Powered by Labrador CMS