Skip to main content

Unnuinerit ikinnerit

2007 maannamut hotelini unnuisartut 5000-inik ikinnerusimasut Kalallit Nunaata Naatsorsueqqissaartarfianit kisitsisit taamak nalunaarput.

Unnuisartut amerlassusaat 2006-imi 106.000-iniit ukioq manna 101.000-it inulaarlugimut ikileriarsimapput. Tamanna tikeraat ullut unnuiffigisartagaasa agguaqatigiisillugu appariaateqarnerannit takuneqarsinnaavoq. 2007-imi ukiup affaani siullermi ullut agguaqatigiisillugu unnuiffiusartut 2,9-iusimapput, ukiumi siuliani piffissaq taanna 3,1-iusimallutik. Tassa procentinngorlugu 4,7, Kalaallit Nunaata naatsorsueqqissaartarfiani unnuisarnernit kisitsisit kingullerpaat taamak takutitsipput.

Kisitsisit aamma takutippaat takornariat amerliartortut. Kisianni amerleriaat 4,8 procentiuvoq, tassa taamaalilluni unnuisartut ikileriaataattut amerlassuseqangajalluni.

Kalaallit Nunaata Naatsorsueqqissaartarfiata aamma erseqqissarpaa, 2005-imi nunap immikkoortuani Kujataani unnuisartuni "allat"-nik taasani unnuisarnerit 326 procentimik amerleriarsimasut, imaappoq, inuit Kalaallit Nunaata Danmarkillu avataaneersut. amerleriaassuaq taanna peqquteqarpoq islandimiut amerlasuut Qorlortorsuarmi erngup nukinganik nukissiuutileriornermut atatillugu Kalaallit Nunaata kujataaniissimammata. 2007-imi ukiup affaani siullermi ikiliartorneq sanaartornerup naammassiartorneranik tunngaveqarpoq, tassa unnuisartut ikileriarnerannik kinguneqarsimammat. Nunap immikkoortortaani Kujataani 2006-imi ukiup affaanut siullermut sanilliullugu inissisimaffimmi "allat"-ni ikileriaat 82 procentiusimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER