Marianne Jensenip Kalaallit Meerartaat qimappaa
Peqatigiiffik Kalaallit Meerartaat-sa kattuffiata allattoqarfimmi pisortartik qaammatit 11-iinnaat ningiorereerlugu inuulluaqqusariaqarpaat.
Marianne Jensenip Peqatigiiffik Kalaallit Meerartaani allaffeqarfimmit pisortatut atorfimminit soraarpoq. Taamanna peqatifiiffiup siulersuisuini siulittaasup Mads thyregodip uppernarsarpaa. Taassuma isertuanngilaa pisoq tamanna peqatigiiffimmut kissaatiginanngikkaluartoq. Marianne Jensenip atorfini qaammatit 11-iinnaat najoreerlugu qimappaa.
– Siulersuisut Marianne Jensenip soraarnissaa kissaatiginngilaat. Isumaqarpugut tamanna peqatigiiffimmut annaasaqaataasoq, Mads Thyregod Sermitsiaq.gl-imut oqarpoq.
Marianne Jensenip nammineq soraarnini ajuusaarutigaa.
– Suliffik uannut nuannerluinnartuusimavoq, taamaattumik ajuusaarutigaara taamatut aalajangertarialerlunga misigigama, Marianne Jensen Sermitsiaq.gl-imut oqarpoq.
Taassuma aalajangernini allattoqarfimmi isumaqatigiinnginnermik nassuiaaserpaa.
– Misigisismavunga pisut qanoq ingerlanneqarnissaat allattoqarafimmi naammaginartumik isumaqatigiissutaanngitsut, Marianne Jensen oqarpoq, isumaqarporlu Peqatigiiffik Kalaallit Meerartaa suli atorfissaqartinneqartoq.
– Isumaqarpunga Kalaallit Nunaanni meerartatta ajunnginnerpaamik pineqarnissaannut tunngatillugu suli suliassarpassuaqartoq. Kisianni tamarmik assigiimmik akisussaassuseqartumik misiginissaat pingaaruteqarpoq, Marianne Jensen oqarpoq.
Allattoqarfimmi pisortaq nutaaq tassaavoq tina Frausing, Kalaallit Nunaanni peroriartorsimasoq, Mads Thyregod ilisimatitsivoq.