Angajoqqaarsiat juullisiutissanik katersuiniarput
Nuummi angajoqqaarsiat peqatigiiffiata meeqqanut ajornartorsiuteqartunut juullimut qilanaartuutissanik agguaaniarpoq.
Meeqqat 340 missaaniittut ilaqutariinnut 170-inut agguarsimasut nuannaartinniarpaat.
Ulluni qaninnerusuni illoqarfimmi pisinniarfiutillit qinnuteqaammik nassinneqassapput, meeqqanut pisariaqartitsisunut juullimi qilanaartuutissanik imarisassaanik katersuinniarlutik, peqatigiiffiup siulittaasua Ellen Sofie Chemnitz nalunaarpoq.
Peqatigiiffiup anguniarpaa meeqqat ajunnginnerpaammik pineqarnissaat. Peqatigiiffiup ilaasortaasa meerarpassuit juullernissaanut qilanaarutissaannik misigitikkusuppai, makkuninnga: Nerilluarnissaq, mamakujuttutornissaq, kaageerartornissaq, pinnersaatinik peqarnissaq aamma tunissutissinissaq.
Juullimut qilanaartuutissat Nuup Kommuneani isumaginnittoqarfimmut tunniunneqassapput, tassanngaanniillu ilaqutariinnut pisariaqartitsinerpaannut agguaanissaq isumagineqassaaq.