Skip to main content

DR-ip unnerluutigineqarnertik eqqumigaa

Nuup Kommunea piviusulersaarummi meeqqamik arsarinninnermi assilisanut maalaassalluni periarfissaqarluarsimavoq, DR qisuariaateqarluni allappoq.

DR maalarummik Nuup Kommuneanit tigusaqarsimanngilaq politiinullu unnerluutigineqarnerminik ilisimatinneqarsimanani, piviusuleraarusiortartut pisortaat Steen Jensen aamma tusagassiortoq aaqqissuisorlu Poul-Erik Heilbuth Nuup Kommuneata politiinut unnerluutigisassanngortitsineranut qisuariaateqarlutik nalunaarput.

Taamaattoq DR kommunep unnerluutigisassanngortitsineranut oqaaseqaateqasalluni qinersimavaa.

- DR-ip isumaginnittoqarfimmi sulisup kiinaa assersimanngilaa DR pisumut suli malinnaanngitsiartoq assilineqarsinnaanissaminut kinaanerminillu isertuussaqarniarani akuersisimammat. Sulisoq erseqqissaaffigilluarneqarpoq DR malinnaalluni assiliissammat. Assileeqqinnissamullu akuersaarsimalluni.

DR-ip sulisui marluk naapertorlugit inunnik isumaginnittoqarfimmi immikkoortortap pisortaa Aaja Chemnitz Larsen DR-mut emailikkut oktobarip 23-ani ilisimatitsisimavoq, allakkat assingi aamma isumaginnittoqarfiup pisortaanut Vibeke Møller-Jensenimut nassiunneqarput, unnuk taanna assilisat pillugit sulisorlu arlaleriaqalutik oqaluuserisimallugit.

- Qaammatit tallimat qaangiummata saaffiginnittoqarpoq. Pilersaarutit naapertorlugit aallakaatitsinissamut ullut marluinanngortut saaffiginnittoqarluni. Tamanna tunngavigalugu DR-ip sulisoq aallakaatitamit ilaajunnaarsissallugu assissalluguluunniit akuerisimanngilaa.

DR-milu sulisut eqqumiigaat isumaginnittoqarfimmi pisortap meeqqap iluatigut atisaqannginneranut ileqqorissaarnissamik unioqqutitsinertut uparuaanera.

- Assimi niviarsiaraq inimi pisuttoq takuneqarsinnaavoq aamma sofami paarmortoq takuneqarsinnaalluni. Niviarsiaraq atequteqarpoq, piffissami sivikitsuinnarmi takuneqarsinnaavoq atequtaa uleerneqatsiartutut pisoq, taamaalilluni takuneqarsinnaalluni nangeqanngitsoq.

- Allatut oqaatigalugu isiginnaartoq niviarsiaqqap marlunnik ukiullip nuluinik piffissami sivikitsuararsuarmi takunnippoq.

- Niviarsiaraq qanillisillugu assilineqanngilaq, aamma nului qanillillugit assineqanngillat, assiliinermilu anguniarneqarani ateqqummi iluatigut atisaqannginnera.

- Naatsumik oqaatigalugu immikkut takusassiariniarlugulusooq assilineqanngilaq, atoqatigiittarnermut pornomullu tunngasumik anguniagaqarluni assiliisoqarani.

DR-ip allagaa tamakkerlugu talerpia tungaani ”Reaktioner på Flugten”-imi atuarneqarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER