DR politiinut unnerluutigineqartoq

Nuup Kommuneata inunnik isumaginnittoqarfiata pisortaa Vibeke Møller-Jensen Nuuk TV-mut oqarpoq, kommunep piviusulersaarummi pisut marluk immikkut isiginiarsimagai.

Kommunep ullo unnuarlu pigaartorisartagaasa ilaata kinaa asserneqarsimanngimmat meeqqallu politiinit kommunimillu angerlarsimaffimmit anninnertup uppataata aamma asserneqarsimannginneri pissusissamisoorsorineqaratik.

- Illoqarfik angisuujunngimmat innuttaasut imminnut ilisarisimaqatigiipput. TV-kullu assilisat aamma ilisarineqarsinnaasarlutik. Sulisugut innuttaasullu illersorniarlugit taama iliorpugut. TV-kut saqqumminnginnissaminnik pisinnaatitaaffeqarput, inunnik isumaginnittoqarfiup pisortaa Nuuk TV-mut oqarpoq.

Nuuk TV naapertorlugu DR mailersimavoq kommune ilisimatillugu isumagininninnermik sullissisup kiinaata assersimannginneranut pissuusoq tassaasoq isumaginninninnermik sullissisup assilerneqarnini ajorisimanngikkaa. Nuup Kommuneata DR piumaffigisimagaluarpaa sullissisup kinaa asserneqassasoq, tamannali iluatsissimanngilaq.

Kommunellu isumaginnittoqarfimmi pisortaata iluarinngilluinnarpaa meeqqap uppatai assilineqarsimammata assernagit.

- Tamanna ajuusaarnarluinnarpoq maani taama amerlatigisunik meeqqanik ikkatiginnitoqartartilluta. Ilisimavarput amerlaqisut filminit TV-miillu assinik takutinneqartunit piniartoqartartoq. Taamaattunik takutitsineq mamiatsannartupilussuuvoq, Vibeke Møller-Jensen Nuuk TV-mut oqarpoq.

Unnerluutiginninneq politiinut oktobarip 25-ani nalunaarutigineqareerpoq