Skip to main content

Sanaartorneq navianartoq

Anorersuartumi Qinngutsinniilluni navianarpoq. Nuup illoqarfiata immikkoortortaa sanaartornermi atortukunik assut tukappoq anorlertillugulu sanaartornermi atortut teqqaasarlutik. Kingullertigut ilaqutariit meerartallit eqqorneqarput.

Qinngutsinni sanaartornermi atortorrajuit maaniinnarmiititerput. Tamanna ilaqutariinnut tamaani najugaqartunut annertuumik kinguneqarput.

Sanaartornermi atortut teqarneranit eqqugaasut kingullersaraat ilaqutariit Pedersenikkut Pupimmi najugaqartut. Ilaqutariit sisamanngormat ullaakkut quassuttuup inissiaata ineeraasa ilaat putullugu kappummat assorujussuaq annilaarsimapput.

– Qaarpallarujussuarpoq, soorlu aallaammik igeriartoq imaluunniit qaartartoq qaartoq. Anorlerpallaaqimmat inimi katersuussimavugut, uangalu quassuttooq inip igalaava putullugu ingerlasimasuuppat ssusoqarsimassagaluarnera eqqarsaatigiinnavippara. Assut annilaarnarpoq, meeqqannullu toqqissisimanarani, Niels Pedersen oqarpoq.

Anorersuarnerani saniliata biilia asersorneqarpoq, stilladsinit eqqorneqarluni.

– Biili lakkerlugu naammasseqqammerpoq, qaammatit marluk matuma siornagut sanaartornermi atortunit aamma eqqorneqarnermi kingorna, Tanja Andreassen ugguaqisoq oqarpoq.

Tanja Andreassen uini meeqqatillu najugaqatigiipput. Stilladsi tingittoq piffissakkut kingusinnerusukkut biili eqqorsimasuuppagu susoqarsimasinnaagaluarnera eqqarsaatigalugu assorsuaq tujorminarpoq.

– Biilip matua meeqqat atortagaat eqqorneqarpoq. Qujaqaanga nalunaaquttap akunneri pingasut qaangiunnerisigut pisimanngimmat, taamaassimasuuppammi meeqqat immaqa eqqorneqarsimassagaluarput, Tanja Andreassen oqarpoq.

Niels Pedersenip paasisinnaanngilaa Qinngutsinni sanaartornermut atortut sooq maaniiginnartinneqarnersut.

– Sanasut sanaartorfitsik qimattarpaat atortutik qajannaarsoqqaarnagit. Tamanna paasisinnaanngilara, tassami uanga suliffiga qimatsinnagu suut tamaasa aaqqeqqaarlugit aatsaat qimattarakku, ilaqutariinni ataataasoq pedeliusorlu Niels Pedersen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER