Skip to main content

Aasianni kaffisorniartarfik

Aasianni ilinniartut imerfiunngitsumik katerisimaartarfeqannginnertik naammagilerlugu illoq kaffisorniartarfittut atorniarlugu nutarterpaat

Aasianni ilinniartut imerfiunngitsumik katerisimaarfigisinnaasaminnik amigaateqarput. Tamanna allanngortinniarlugu ilinniartut tallimat ulappusileruttorput. Aasiaat Kommuneatami sapaatit akunneri marluk matuma siorna illumik ilinniartut atorsinnaasaannik atukkiussivoq, illorlu tunniunneqartoq massakkut qalipanneqaleruttorpoq.

Ilinniartunut kaffisorniartarfik qaqugu atulerneqassanersoq naluneqarallarpoq. Ilinniartut kaffisorniartarfimmik ammaasoqarnissaanik nammineq piumassutsiminnik akissarsiaqaratik sulipput.

– Suleqatigiissitat suliaq ingerlappaat. Uanga ataqatigiissaarinermik suliaqartuuvunga, kisianni inuusuttut tassaassapput ingerlatsisussat, Aasiaap Kommuneata ilinniartunut siunnersuivianni projektkoordinatori Peter Frederik Gedionsen.

Pilersaarut malillugu init quleriit allersaanni kaffisorniartarfeqassaaq qalianilu ilinniartunut siunnersuiveqassalluni. Ilinniartut taamaalillutik qummukalaaginnarlutik ilinniartunut siunnersuisartumik oqaloqateqarsinnaassapput.

– Kaffisorniartarfiussaaq oqaloqatigiinnermut atorneqartoq, saniatigut ilinniartut nalussanngilaat qummukalaaginnarlutik siunnersuisumik oqaloqateqarsinnaassallutik. Ulluinnarni naliginnaasut pisartut pillugit oqaloqatigiittoqarsinnaassaaq, inuttullu ajornartorsiuteqarnermi aamma tarnip pissusiinik immikkut ilisimasalimmik oqaloqateqarnissamik neqeroorfigineqartoqarsinnaassalluni, tarnip pissusiinik ilisimalik Aasiaat Kommuneanilu inuusuttunut siunnersuisoq Ulla Nielsen oqarpoq.

Sermitsiami atuaruk...

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER