Skip to main content

Eqqakkat elektronik-itallit batteritulli navianartigaat

Kommunit ulluni makkunani niuertarfinni allanilu takussaasuni batterinut elektronikinullu annikitsunut igitassanut katersuivinnik ikkussuipput.

Paasititsiniaanerup "batterit qaakkit"-ip takutippaa, inuit eqqakkanik avatangiisinut navianaateqarsinnaasunik immikkoortiterinissamut peqataarusuttut, taamalu eqqarisami avatangiisinik mingutsitsisinnaanermut millisaaqataarusuttut. Kommunit 2004-mi batterikut akkumulatorillu aqerlortallit 134 tonsit nunanut allanut nassiullugit suliarisassanngortissimavaat, 2006-imi 129 tonsiusimallutik.

Qarasaasiat, telefonit angallattakkat, printerit, pinngussat, maskiinat igaffimmi atortut, nipilersuutillu atorunnaakkat batteritulli eqqagassaapput avatangiisinut navianartut.

Suut elektroniskiusut innaallaagissamoortullu tamatta pigilersimasagut annertusiartortumik ajornartorsiutinngoraluttuinnarput, maani nunami nunarsuarlu tamakkerlugu.

Kalaallit Nunaanni Naatsorsueqqissaartarfik naapertorlugu 2004-mi EDB-mut atortut telefonillu 29.775 kg. eqqussimavagut. 2005-imi 32.049 kg-nngorsimapput. Kisitsisit ukiualunni aalaakkaasumik amerliartorujoorsimapput, 2006-imilu kisitsisaagallartut takutippaat suli amerlanerujartuinnartut eqqussorigut.

Elektronikkit nalinginnaasumik stofinit assigiinngitsorpassuarnit katitigaasarput. Annermik savimerngit oqimaatsut, soorlu kviksølv, aqerloq, cadmium aamma krom, kiisalu POP-nik stofit bromerit aamma ikuallannaveersaatit, PCB aamma PVC, avatangiisinut peqqissutsimullu navianartuupput.

Eqqakkat elektronikkitallit aamma saviminernik nalertuunik akoqarput, soorlu kanngussak, aluminium, kuulti, platin allarpassuillu. Avissaartinneqarlutik eqqortumik immikkoortiterneqarunik saviminissat akisuut atoqqinneqarsinnaalluarput.

Taamaattumik pingaaruteqarpoq, eqqakkat elektronikkitallit eqqagassanut nalinginnaasunut ilanngullugit iginnginnissaat. Pingaartumillu ikuallanneqannginnissaat, ikuallanneqarpata toqunartut suli amerlanerit pilersinneqartussaammata.

Kommunit ilaannaat taamatut eqqakkanut elektronikitalinnut tigooraavinnik taamalu atoqqitassanngorlugit suliarinnittarfinnut nassiussisinnaasunik peqarput. Taamaakkaluartoq suli pitsaaneruvoq eqqakkanit allanit immikkoortillugit pinissaat eqqaavissuarmilu atoqqinneqarsinnaanerisa imminut akilersinnaalernissaata tungaannut immikkoortisimatillugit inissisimatinnissaat.

Nuup Kommuneata teknikkikkut ingerlatsiviata kommunit eqqakkanut taamaattunut katersivissaannik pisiniarnissaq isumagalugu ataqatigiissaarisuusimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER