Skip to main content

INI-p Nuummi attartortunut 2 millionit utertissavai

Inissiaatileqatigiiffik Nuummilu inissiaatileqatigiinni immikkoortortaqarfik Atertaq eqqartuussivimmi sivisuumik ingerlatsereernerminni isumaqatigiisssuteqarput. INI illunik isumaginnittunut aserfallatsaaliinermullu annertuallaamik akiligassiisarsimavoq.

Inissiaatileqatigiiffiup attartortunut Nuummi inissiaatileqatigiiffiup immikkoortortaani Atertami 1995-imiit 2003-ip tungaanut ineqarsimasunut koruunit 2 millionit sinnilaarlugit utertittussanngorpai. Tamanna inissiaatileqatigiiffiup inissianullu immikkoortortaqarfiup isumaqatigiissutigisimavaat, suliaq taanna Eqqartuussiviit Qullersaanni suliarineqareermat.

INI-p isumaqatigiissummi akueraa, inissiaatileqatigiiffiup immikkoortortaani piffissami taaneqartumi illuni nakkutilliisut akiligassat annertunaarneqartarsimasut. Inissiaatileqatigiiffiup aamma akueraa, piffissami 1997-imiit 2000-imut aserfallatsaaliinermut immikkut atugassatut akileeqqusissutit qaffasitsinneqarpallaarsimasut.

Isumaqatigiissutip kingunerisaanik Inissiaatileqatigiit INI attartortunut koruunit 2.022.481-it taakkulu erniaat utertittussanngorpai.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER