Skip to main content

Inuunerittap Aningaasaateqarfia immikkut agguaassiniarpoq

Juullimut aaqqissuussinernut pujortarnertaqanngitsunut imigassartornertaqanngitsunullu aningaasartuutit matussutissaannik qinnuteqartoqarsinnaavoq, assersuutigalugu nerisassanut peqqinnartunut peqqinnartunillu sammisaqartitsinernut.

Kalaallit Nunaanni Inuit Peqqissuunerannik Suliniutip ukiumi siullermi ingerlanneqarnera malunnartinniarlugu Inuuneritta immikkut juullimut agguaassiniarpoq, tassani juullimut aaqqissuussinernut pujortarnertaqanngitsunut imigassartornertaqanngitsunullu aningaasartuutit matussutissaannik qinnuteqartoqarsinnaalluni.

Inuunerittap Aningaasaateqarfia aaqqissuussinernut aningaasaliiumavoq, ilaqutariinni kinguaariinnik ikinngutigiinnermillu attaveqarnerit nukittorsarnissaannut, pissutigalugu "inuunerinneq aallaaveqarmat qanigisatut attuumassuteqarfitsinni".

Taamaattumik aaqqissuussinissanut isumassarsiat tassaasinnaapput:

- Utoqqaat Illuanni najugallit ernuttaminnik ernutaqqiutiminnillu ullormik nuannisarfiusumik qaaqqusisut qanga pisarsimasunik oqaluttuarnertalimmik

- Inuusuttut peqatigiiffiisa utoqqaat peqatigiiffii qaaqqullugit nutaaliaasumik juullimi aaqqissuussinermut

- Ilaqutariiaat katersortarfimmi katerisimaartut juullimut qiortaallutik nuannisaqatigiillutillu

Aamma juullimut attuumassutilinnik "pisunillu allanik" aaqqissuussinernut allanut aningaasanik qinnuteqartoqarsinnaavoq.

Qinnuteqarnissamut killissaritinneqarpoq 21. november 2007, tamatumalu kingorna agguaassisoqassaaq.

Inuunerittap Aningaasaateqarfianut qinnuteqaatit uunga nassiunneqassapput Peqqissutsimut Pisortaqarfik, Postboks 1160, 3900 Nuuk, qinnuteqaatillu tamarmik qinnuteqarnermi immersugassamut allanneqassapput, taakkualu ukunani pissarsiarineqarsinnaapput www.peqqik.gl imaluunniit www.paarisa.gl .

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER