Qinersineq ammarpoq
Folketingimut qinersineq Nuup katersortarfiani ammarneqarmat qinersisartut untritillit marlussuit najuupput.
Nuup Kommuniani qinersisitsisup Martha Abelsenip folketingimut qinersineq nal. 9.00 ammarpaa.
Nuup Kommuniani qinersisinnaasut katillugit 11.207-iupput, kingullermik folketingimut qinersisoqarmat 2005-imi 10.865-iullutik.
Taamani qinersisinnaasut 57,9 procentii qinersiartorput.
Martha Abelsenip naatsorsuutigaa Nup Kommuniani naatsorsuinerit unnugu nal. 23.00-p misaani naammassisimassasut.
Nal. 22.00-miit kisitsinerit killiffiat Nuup Kommuniata nittartagaanut www.nuuk.gl.-imut ikkunneqartassapput.