Qinersinerup inernera unnuaqeqqata missaani

Qinersiviit nalunaarsugaat naalagaaffiup sinniisoqarfianut Rigsombudimut unnuup ingerlanerani faxikkut takkussuutissapput. -Iluatsitsissagutta unnuaqeqqata missaani qinersinerup inernera naammassavarput, naalagaaffiup sinniisua Søren Hald Møller oqarpoq.

Folketingimut qinersinermi matumani nunatsinni qinersisinnaasut Rigsombudip paasissutissaata naapertorlugit 39.760 -iupput. 2005-imi qinersinermut sanilliullugit 314-nik amerlanerupput, taamani, februaarip 8-anni 2005-imi, 39.446-iugamik.

2005-imi qinersisinnaasut 59,4 procentii taasipput, kisitsisinngorlugit 23.525-t. Taasinerit tamakku Rigsombudimut apuunneqarput qinersivinnit 75-iniit ataasiakkaanit imaluunniit kommuninit qinersiviusunit.

- Qinersinermi siulersuisut kommuni sinerlugu nalunaarsuinernik nassiussaqartarput, ksiianni aammam qinersivinnit ataasiakkaanit nassinneqartarpugut, Søren Hald Møller oqarpoq.

Naalagaaffiup sinniisoqarfianiipput faxit marluk nalunaarsuiffinnik quppernernik A-4-nik marlukkuutaanik qinersivinniit tigooraasussat.

Nalunaarsuiffinni qinersisitsisut allattussavaat qinersisinnaasut qassiunersut, qinigassanngortittut partiillu qanoq taaguunneqarsimanersut, taasinerit atorsinnaasut qassiunersut, allaffigineqanngitsut qassiunersut atorsinnaanngitsullu allat qassiunersut.

Nalunaarsuiffiit takkussuunnerini unittoortoqannginniassammat nunarput marlunnut avinneqarsimavoq, immikkoortullu immikkut faximut nassiussisassapput.

2001-imi flketingimut qinersisoqarmat qinersinerit naatsorsornerat ajornartorsiutaavoq. Taamani Rigsombudip faxiii marluk inernenrnut takkussuuttunut malinnaasinnaanngillat. 2005-imi Nuup qinersiviani kisitseqattaarneq kinguarsaataavoq.

Soormitaavaana suli faxit atorneqartut, uffa qarasaasiatigut taama atorneqartigilereersut?

- Qinersinerit isumannaatsuunissaat pingaartinneqartartorujussuuvoq nalunaarsuinerit peqquserluutigineqannginniassammata, taamaattumik isumannaannerpaavoq nalunaarsukkat faxikkut tigoorassallugit, naalagaaffiup sinniisua Søren Hald Møller oqarpoq.

Erseqqissaatigaa nunatsinni digitaliseeriineq suli siuarsimavallaanngimmat, soorlu elektroniskimik atsiorneq suli eqqunneqarani.

-Faxit tatiginarnerupput, naak nutaaliaavallaanngikkaluarlutik, Søren Hald Møller oqarpoq.

Powered by Labrador CMS