Rektorit akerliullutik tunualersut
Ole Marquardt Birgit Kleist Pedersenilu qinigassanngorteqqinnianngillat Ilisimatusarfikdecembarimi nutaanik pisortassarsiorneqalerpat.
Rektori Ole Marquardt tullersortaalu prorektori Birgit Kleist Pedersen pisortatut atorfimminnit tunuarniarput decembarip 31-anni atorfitoqqaminnullu, ilinniartitsisutut ilisimatuutullu misissuisutut, utissallutik.
Taamaaliorniarput Ilisimatusarfik pillugu inatsisissaq Inatsisartuni pingasunngormat akuersissutigineqartoq akerleralugu.
– Isumaqarpugut aqutsinermut inatsimmi nutaami suliassat nutaarpassuit piffissap inatsisartut naalakkersuisullu piffissaliussaanni taama sivikitsigisumi naammaginartumik naammassineqarsinnaanngitsut, taamaattumillu pisortatut atorfininnissamut sassaqqinniarat aalajangerpugut, Ole Marquardt Birgit Kleist Pedersenilu oqarput.
Marluullutik ukiualunni Ilisimatusarfimmi pisortaapput, Ole Marquardt 1999-miilli Birgit Kleist Pedersenilu 2005-imiit, atorfeqartitaanerallu decembarip 31-annut killeqarpoq.
Malitarisassat atuukkallartut naapertorlugit rektorit nutaat marluk - ikaarsaarnermi pisortaasussat - qinerneqartussaapput siulersuisut nutaat pisortanik nutaanik atorfinitsitsinissaasa tungaanut.
Rektorinik qinersineq pissaaq decembarip 5-aani, qinigassanngortiffissarlu decembarip 1-aanut killeqarpoq.
Maannamut qinigassanngortittunik suli sassartoqanngilaq.
Sermitsiami atuaruk...